دبئی میں پبلک ٹرانسپورٹ کے مسافروں کےلئے مفت سمارٹ چھتری سروس شروع

دبئی: متحدہ عرب امارات دبئی میں روڈ ٹرانسپورٹ اتھارٹی (آر ٹی اے) نے کینیڈا کی معروف سمارٹ امبریلا شیئر سروس کمپنی ’’امبرہ سٹی‘‘ کے تعاون سے الغبیبہ بس اور میٹرو سٹیشن پر مفت سمارٹ چھتری‘سروس کا آغاز کر دیاہے۔

الامارات الیوم کے مطابق سروس کا مقصد دبئی میں پیدل چلنے کی حوصلہ افزائی کے لئے ڈیزائن کی گئی ہے۔ پیدل چلنے والوں کو دھوپ اور بارش سے بھی بچانے میں سہولت فراہم کرتی ہے۔

یہ سروس خاص طور پر ڈیزائن کی گئی ہے تاکہ یہاں کے رہائشی اپنی روزمرہ کی ضروریات پیدل یا بائیک کے ذریعے 20 منٹ کے اندر پوری کرسکیں۔

دبئی میں روڈ اینڈ ٹرانسپورٹ اتھارٹی میں پبلک ٹرانسپورٹ ایجنسی کے ٹرانسپورٹیشن سسٹم ڈیپارٹمنٹ کے ڈائریکٹرخالد العوضی نے کہا کہ سمارٹ چھتریاں نول کارڈ استعمال کرتے ہوئے مفت حاصل کی جا سکتی ہیں۔