بے بنیاد الزام تراشی سے ملک کا تشخص مجروح ہورہا ہے : شیخ رشید

تفصیلات کے مطابق وزير داخلہ شیخ رشید نے پریس کانفرنس کرتے ہوئے کہا کہ     اسد طور کیس کی حقیقت تک بہت جلد پہنچ جائیں گے ،اسلام آباد کے صحافی اسد طور پر حملے میں ملوث افراد میں سے فنگر پرنٹس حاصل کیے جارہے ہیں ، ایف آئی اے ، نادرا کیس کی تحقیقات کر رہے ہیں  ۔ شیخ رشید نے کہا کہ ملزمان تک پہنچنا اس لیے بھی ضروری ہے کہ کچھ لوگ اس حملےکی آڑ میں حساس اداروں پر الزام تراشی کررہے ہیں۔ ان کاکہنا تھاکہ غیر ملکی آقاؤں کے کہنےپربعض لوگ ہماری ایجنسیز کونشانہ بناتے ہیں، سائبر ونگ کو جدید ترین آلات سے لیس کررہے ہیں۔ میرے دور میں 36ہزار سائبر کرائمز کے کیسز ہوئے، ہم نے پانچ ہزار تین سو پچپن انکوائریاں کی ہیں۔

اپوزیشن جماعتوں پر تنقید کرتے ہوئے وزیرداخلہ کاکہنا تھاکہ میں کہتا تھا کہ"ن"میں سے"ش"نکلے گی ۔ پی ڈی ایم ٹائیں ٹائیں فش ہوگئی ہے، پی ڈی ایم میں سے دو جماعتیں پہلے ہی نکل چکی ہیں اب صرف فضل الرحمٰن اور ن لیگ بلاوجہ شور مچار رہے ہیں۔

وزیر داخلہ شیخ رشید نے پاکستان میں مزدور طبقے پر مشتمل افراد قوت کو مبارکباد دیتے ہوئے کہا کہ سعودی عرب 30 فیصد ویزے پاکستانی افرادی قوت کو تفویض کرے گا۔ انہوں نے کہا کہ ویزے تفویض ہونے سے ترسیلات زر میں اضافہ ہوگا اور معیشت نمو میں مزید بہتر آئے گی۔ انہوں نے بتایا  کہ  کویتی حکومت نےپاکستانیوں کے ویزے کے اجرا پر سے پابندی اٹھا لی ہے، 425 ڈاکٹر اسی ہفتے کویت روانہ ہوں گے، کویتی حکومت تعمیراتی صنعت سےوابستہ ورکرز کیلئے ویزا جاری کررہی ہے۔