دلیپ کمار اور راج کپور کے مکانات کی ملکیت محکمہ آثار قدیمہ کے نام منتقل

تفصیلات کے مطابق محکمہ آثار قدیمہ کی جانب سے پشاور کے تاریخی قصہ خوانی بازار اور دلگران میں واقع مکانات کو قومی ورثہ قرار دیا گیا تھا۔ وزیراعلیٰ خیبر پختونخوا  کی منظوری سے وزارت خزانہ نے لیجنڈری اداکاروں کے گھروں کو خریدنے کےلیے رقم جاری تھی۔

ڈی سی  پشاور نے ایوارڈ کا اعلان کرتے ہوئے دونوں گھروں کے مالکان کے اعتراضات مسترد کیے تھے جس کے بعد گھروں کی ملکیت محکمہ آثار قدیمہ کے نام ہوئی۔

خیال رہے کہ  لیجنڈری دلیپ کمار اور راج کپور  نے اپنی زندگی کا کچھ حصہ پشاور میں گزارا تھا لیکن  اب یہ گھر انتہائی خستہ حال ہیں۔

یاد رہے کہ 2013 میں دلیپ کمار کے گھر کو وفاقی حکومت نے بھی قومی ورثہ قرار دیا تھا اور1988 میں دلیپ کمار نے اس آبائی گھر کا دورہ کیا تھا۔