بابر اعظم ایک بار پھر پاکستانی ٹیم کے کپتان مقرر

پاکستان کرکٹ بورڈ (پی سی بی) نے بابر اعظم کو قومی کرکٹ ٹیم کا کپتان بنا دیا ہے۔ بابر اعظم ون ڈے اور ٹی ٹوئنٹی کے کپتان ہوں گے۔

گزشتہ کئی دنوں سے بابر اعظم کو قومی ٹیم کا کپتان بنائے جانے کی خبریں گردش کر رہی تھیں تاہم اب کرکٹ بورڈ نے اس حوالے سے باضابطہ اعلان کردیا ہے۔

Babar Azam appointed as white-ball captain

Following unanimous recommendation from the PCB’s selection committee, Chairman PCB Mohsin Naqvi has appointed Babar Azam as white-ball (ODI and T20I) captain of the Pakistan men's cricket team. pic.twitter.com/ad4KLJYRMK

— Pakistan Cricket (@TheRealPCB) March 31, 2024

پی سی بی کی جانب سے بذریعہ ٹوئٹ اعلان کیا گیا کہ بابر اعظم ون ڈے اور ٹی ٹوئنٹی کے کپتان ہوں گے۔

بابر اعظم ٹی ٹوئنٹی ورلڈ کپ سمیت 71 ٹی ٹوئنٹی میچز میں قیادت کر چکے ہیں۔

واضح رہے کہ بابر اعظم کو شاہین شاہ آفریدی کی جگہ دوبارہ کپتانی دی گئی ہے۔

اسٹار بلے باز کو کپتانی دینے سے قبل چیئرمین پی سی بی محسن نقوی اور بابر اعظم کے درمیان ملاقات بھی ہوئی تھی جس میں کپتانی سے متعلق مختلف امور پر بات چیت کی گئی تھی۔