بار کونسلز کا ہائی کورٹ کے ججز کے خط پر جیلانی انکوائری کمیشن کا خیر مقدم

اسلام آباد : مختلف بار کونسلز نے اسلام آباد ہائی کورٹ کے6 ججوں کی طرف سے چیف جسٹس پاکستان کو لکھے گئے خط میں اٹھائے گئے معاملات کی تحقیقات کے لئے کمیشن کے قیام کا خیر مقدم کیا ہے۔

پاکستان بار کونسل کے نائب چیئرمین ریاضت علی سحر اور بار کی ایگزیکٹو کمیٹی کے چیئرمین فاروق حامد نائیک نے ایک بیان میںپاکستان کے سابق چیف جسٹس تصدق حسین جیلانی کی بطور چیئرمین انکوائری کمیشن تعیناتی کی بھی حمایت کی۔

انہوں نے ایک سیاسی جماعت کی طرف سے چیف جسٹس کے استعفے کے مطالبے کی مذمت کرتے ہوئے اسے مسترد کر دیا۔ اُن کا کہنا تھا کہ یہ سیاسی جماعت سیاسی مفادات کیلئے مسلسل چیف جسٹس کو ہدف بنا رہی ہے۔