چینی کمپنی نے دیامر بھاشا ڈیم پر دوبارہ کام شروع کر دیا

چینی کمپنی نے تربیلا کے بعد دیامر بھاشا ڈیم پر دوبارہ کام شروع کر دیا ہے تاہم داسو ڈیم پر کام تاحال معطل ہے۔

میڈیا رپورٹس کے مطابق داسو ڈیم پر کام چند روز میں دوبارہ شروع کر دیا جائے گا۔ دیامر بھاشا ڈیم کے جنرل منیجر نزاکت حسین نے تصدیق کی کہ چینی کمپنی نے تقریباً 350 چینی شہریوں سمیت ڈیم پر کام دوبارہ شروع کر دیا ہے جبکہ 6 ہزار مقامی عملہ پہلے ہی کام کر رہا ہے۔

واضح رہے کہ داسو ڈیم کے انجینئرز کی بس پر خودکش حملے میں 5 چینی شہریوں کی ہلاکت کے بعد چینی کمپنی نے کام بند کر دیا تھا۔

دیامر بھاشا ڈیم دریائے سندھ کے پار خیبر پختونخوا کے ضلع کوہستان اور گلگت بلتستان کے ضلع دیامر کے درمیان تعمیر کیا جا رہا ہے۔

13 مئی 2020 کو، پاکستانی حکومت نے جوائنٹ وینٹو کے ساتھ 442 ارب روپے کے معاہدے پر دستخط کیے