لاہور ہائیکورٹ کے 4 ججز کودھمکی آمیز خط موصول

لاہور: اسلام آباد ہائی کورٹ کے بعد لاہور ہائی کورٹ کے 4 ججز کو بھی دھمکی آمیز خط موصول ہوئے ہیں۔

رجسٹرار آفس نے بتایا کہ خطوط جسٹس شجاعت علی خان، جسٹس شاہد بلال حسن اور جسٹس عالیہ نیلم کے نام بھیجے گئے ہیں۔

کاؤنٹر ٹیررازم ڈیپارٹمنٹ اور پولیس افسران لاہور ہائیکورٹ پہنچ گئے۔ اس صورتحال کے درمیان سیکورٹی سخت کر دی گئی ہے۔

فرانزک ٹیمیں مشکوک خط کی جانچ کے لیے ہائی کورٹ پہنچ گئی ہیں اور لاہور ہائی کورٹ کے سی سی ٹی وی کیمروں سے جانچ کی جا رہی ہے۔ جن لوگوں کو خط موصول ہوئے ہیں وہ لاہور ہائیکورٹ کے تین ججوں کی انتظامی کمیٹی کے رکن ہیں۔

واضح رہے کہ اس سے قبل اسلام آباد ہائی کورٹ کے چیف جسٹس عامر فاروق اور مزید 8 ججز کو مشکوک خطوط موصول ہوئے تھے۔

تاہم جج کے عملے نے ایک خط کھولا تو اس میں پاؤڈر ملا تھا۔ خط کے تناظر میں لفظ anthrax لکھا تھا۔