پاکستان اسٹاک ایکسچینج تاریخ کی بلند ترین سطح پر

پاکستان اسٹاک ایکس چینج میں تاریخ میں بدھ کوپہلی بار کے ایس ای 100 انڈیکس 68 ہزار کی سطح عبور کرگیا۔ کچھ دیر بعد انڈیکس نیچے آیا لیکن اس نے ایک بار پھر 68 ہزار کی نفسیاتی حد عبور کرلی۔

بدھ کے روز مارکیٹ کا آغاز تیزی کے ساتھ ہوا اور کاروبار شروع ہوتے ہی انڈیکس 68 ہزار 392  پر جا پہنچا۔ کئی کمپنیوں کے شیئرز کی قیمتوں میں اضافہ دیکھا گیا۔ تاہم یہ تیزی برقرار نہ رہی اور اگلے ڈیڑھ گھنٹے میں انڈیکس 67 ہزار کے قریب پہنچ گیا۔

اس کے بعد مارکیٹ نے دوبارہ بڑھنا شروع کیا۔ اور انڈیکس ایک ہی سیشن میں دوسری مرتبہ 68 ہزار کی نفسیاتی عبور کرگیا۔

سنرجی، کے الیکٹرک، پی آئی اے، پی پی ایل، پاکستان ریفائنری لمیٹد فعال ترین شیئرز میں تھے۔دن گیارہ بجے تک مارکیٹ میں مجموعی طور پر 400 پوائنٹ اضافہ ہو چکا تھا۔

واضح رہے کہ گزشتہ روز کے ایس ای 100 انڈیکس 869 پوائنٹس بڑھ کر 67 ہزار 756 کی تاریخ کی بلند ترین سطح پر پہنچا تھا، اس سے قبل 28 مارچ 2024 کو کے ایس ای 100 انڈیکس 594 پوائنٹس اضافے کے بعد 67 ہزار کی نئی بلند ترین سطح پر پہنچ گیا تھا۔