جاپان کے صوبہ فوکوشیما میں 6 شدت کا زلزلہ

ٹوکیو: جاپان کےشمال مشرقی صوبہ فوکوشیما میںریکٹر سکیل پر 6 درجے شدت کے زلزلے کے جھٹکے محسوس کئے گئے تاہم زلزلے کے بعد فوری طور پر کسی جانی نقصان کی کوئی اطلاع موصول نہیں ہوئی اور نہ ہی سونامی وارننگ جاری نہیں کی گئی۔

فرانسیسی خبر رساں ادارے اے ایف پی کے مطابق جاپان کی موسمیاتی ایجنسی نے کہا کہ جمعرات کو فوکوشیما میں 6 شدت کے زلزلے کے جھٹکے محسوس کئے گئے جس کا مرکز 40 کلومیٹر کی گہرائی میں تھا، زلزلے کے جھٹکے دارالحکومت ٹوکیو میں بھی محسوس کئے گئے۔

امریکی جیولوجیکل سروے نےجاپان میں جمعرات کو آنے والے زلزلے کی شدت 6.1 بتائی ہے، جس کی گہرائی 40.1 کلومیٹر تھی۔ جاپان میں یہ زلزلہ تائیوان میں ایک طاقتور زلزلےکے ایک دن بعد آیا ہے جس میں 9 افراد ہلاک اور ایک ہزار سے زائد زخمی ہوگئے ہیں۔