موہنجوداڑوہوائی اڈے پر زندگی بچانے کی تربیتی و عملی مشق

اسلام آباد: پاکستان سول ایوی ایشن اتھارٹی کے زیر اہتمام ہنگامی صورتحال سے نمٹنے کے لئے موہنجوداڑو ہوائی اڈے پر زندگی بچانے اور فوری طبی امداد کی فراہمی کی تربیتی نشست اور عملی مشق کا انعقاد کیا گیا۔

پاکستان سول ایوی ایشن اتھارٹی کی طرف سے جاری بیان کے مطابق ایک جامع بنیادی جان بچانے والی تربیتی نشست کے انعقاد کا مقصد عملہ کو کسی بھی ہنگامی صورتحال سے نمٹنے کے لئے تربیت اور آگاہی فراہم کرنا ہے۔

ہوائی اڈے کی ٹیم نے اس تربیتی نشست اور مشق میں بھر پور حصہ لیا۔ اس سیشن میں مختلف اہم موضوعات کا احاطہ کیا گیا جیسے خون بہنے پر قابو پانا، روڈ ٹریفک حادثات کا انتظام (آر ٹی اے)، دل کے دورہ کی صورت میں سی پی آر کی فراہمی اور آٹومیٹڈ ایکسٹرنل ڈیفیبریلیٹر (اے ای ڈی) مشینوں کا استعمال وغیرہ شامل ہیں۔

اے ای ڈی مشینیں ان افراد کی مدد کرنے میں اہم کردار ادا کرتی ہیں جنہیں اچانک دل کا دورہ پڑتا ہے۔