جنوبی وزیرستان میں پاک فوج کی مدد سے ڈیجیٹل سکل پروگرامز کا آغاز

جنوبی وزیرستان میں نوجوانوں کو روزگار کے مواقع فراہم کرنے کے لیے پاک فوج کی مدد سے ڈیجیٹل سکلز کے چوتھے بیچ کا آغاز کر دیا گیا ہے ۔

تین ماہ کے اس پروگرام میں طلبہ اور طالبات کو آٹوکیڈ ،ویڈیو ایڈیٹنگ، فری لانسنگ، گرافکس ڈیزائننگ اور کرییٹیو رائٹنگ کورسز پڑھائے جائیں گے ۔

اس بیچ میں وانا، شکی، سراروغہ اور سروکئی کے 77 طلبہ و طالبات حصہ لے رہے ہیں ۔

اب تک جنوبی وزیرستان کے 180 کے قریب نوجوان ان کورسز سے مستفید ہو چکے ہیں ۔