آصف زرداری کا ترک ہم منصب سے رابطہ ، پاکستان دورے کی دعوت

صدر مملکت آصف زرداری نے ترک صدر رجب طیب ایردوان کو پاکستان کا دورہ کرنے کی دعوت دی ہے۔

صدرِ مملکت آصف زرداری اور ترک صدر کے درمیان ٹیلیفونک گفتگو ہوئی جس میں دونوں صدور نے دو طرفہ تعلقات اور باہمی دلچسپی کے امور پر تبادلہ خیال کیا۔

اس موقع پر آصف زرداری نے مختلف شعبوں میں تعلقات مزید مضبوط بنانے کی ضرورت پر زور دیا۔ صدر مملکت نے اپنے ترک ہم منصب کو عید الفطرکی پیشگی مبارکباد بھی دی اور ترک صدر اور عوام کے لیے نیک خواہشات کا اظہار کیا۔