نیتن یاہو غزہ میں بڑی غلطی کا ارتکاب کر رہے ہیں، جو بائیڈن

امریکی صدر جو بائیڈن نے غزہ میں اسرائیلی وزیر اعظم بنجمن نیتن یاہو کی پالیسی کو "غلط" قرار دیتے ہوئے اسرائیل پر زور دیا کہ وہ جنگ بندی کا اعلان کرے۔ 

حماس کے خلاف اسرائیلی جنگ اور غزہ کے اندر مشکل حالات کی وجہ سے شہریوں میں ہلاکتوں کی تعداد میں تیزی سے اضافے پر بڑھتے ہوئے تناؤ کے تناظر میں بائیڈن کے تبصرے نیتن یاہو پر اب تک کی ان کی سخت ترین تنقید میں شامل ہیں۔

صدر بائیڈن نے مزید کہا کہ میرے خیال میں وہ جو کچھ کر رہے ہیں وہ غلط ہے۔ میں ان کے نقطہ نظر سے متفق نہیں ہوں۔

بائیڈن نے انٹرویو کے دوران اس بات کا اعادہ کیا کہ گذشتہ ہفتے غزہ میں اسرائیلی حملے میں سات امدادی کارکنوں کی ہلاکت خوفناک واقعہ تھا۔

انہوں نے مزید کہا کہ ہم جس چیز کا مطالبہ کر رہا ہوں وہ یہ ہے کہ اسرائیلی حکام جنگ بندی کریں اور اگلے چھ یا آٹھ ہفتوں کے دوران غزہ میں داخل ہونے والی تمام خوراک اور ادویات تک مکمل رسائی کی اجازت دیں۔

جنگ بندی کے حوالے سے بائیڈن کے بیانات ان کے پچھلے بیانات سے ایک تبدیلی کی اشارہ ہیں جس میں انہوں نے کہا تھا کہ جنگ بندی اور قیدیوں کی رہائی کے معاہدے پر رضامندی کا بوجھ حماس پر پڑتا ہے۔

بائیڈن نے اسرائیل پر غزہ میں مزید امداد کی اجازت دینے کے لیے اپنا دباؤ بھی بڑھا دیا۔ انہوں نے مزید کہا کہ "غزہ کے لوگوں کی خوراک اور ادویات کی ضروریات فراہم نہ کرنے کا کوئی عذر نہیں ہے"۔

انٹرویو میں غزہ میں "گلوبل سینٹرل کچن" کے امدادی کارکنوں کی ہلاکت کے بعد سے اسرائیل کے بارے میں بائیڈن کی پالیسی میں بڑی تبدیلی کو ظاہر کیا گیا ہے۔