پنجاب کابینہ کی ٹریفک چالان میں اضافے کی منظوری

تفصیلات کے مطابق  پنجاب  کابینہ نے  ٹریفک چالان میں اضافے  کی منظوری دے دی ہے،  کار میں موبائل استعمال  پر  چالان 500 سے بڑھا کر 750  کرنے کی منظوری دی گئی ہے  جبکہ   موٹرسائیکل چالان  میں 300 سے 400 روپے  تک اضافہ کردیا گیا ہے۔

جی این این کے مطابق   موٹرسائیکل بغیر  ہیلمٹ  کے چلانے پر چالان 250 روپے  کے بجائے 600 روپے ہوگا اور   اوور سپیڈ اور نو پارکنگ   پر موٹرسائیکل سوار کو 200 سے 400 روپے جرمانہ ہوگا۔لائسنس کے بغیر  موٹرسائیکل چلانے پر 200 سے 400 روپے  جرمانہ ہوگا۔

کم  عمر موٹر سائیکل سواروں کو چالان 500 روپے کرنے کی منظوری دی گئی ہے ، رکشہ کے چالان  میں 250 سے500 روپے تک اضافے کی منظوری اور  کار  میں سیٹ بیلٹ   نہ پہننے پر چالا ن500  سے 750 تک کرنےکی منظوری دی گئی ہے۔