سی ٹی او لاہورکی بغیر ہیلمٹ موٹر سائیکل سواروں کو بھاری چالان کرنے کی ہدایت

چیف ٹریفک آفیسر (سی ٹی او) لاہور عمارہ اطہر نے شہر میں بغیر ہیلمٹ موٹر سائیکل سواروں کے بھاری چالان کرنے کی ہدایت کی ہے۔

سی ٹی او لاہور عمارہ اطہر نے کہا کہ شہر میں بغیر ہیلمٹ موٹر سائیکل سواروں کو سڑک پر چلنے کی اجازت نہیں دی جائے گی۔ آج سے مال روڈ اور دیگرسڑکوں پر بغیر ہیلمٹ موٹر سائیکل سواروں کا داخلہ بند ہوگا۔

انہوں نے کہا کہ کینال روڈ اور جیل روڈ سمیت تمام اہم شاہراہوں پر کریک ڈاؤن کیا جائے گا۔ لاہور میں کسی بھی جگہ بغیر ہیلمٹ موٹر سائیکل چلاتے ہوئے 2 ہزار روپے جرمانہ کیا جائے گا۔