پاکستان اور مصر کی مشترکہ ایئر ڈیفنس مشقوں کا اختتام

پاک فوج کے شعبہ تعلقاتِ عامہ (آئی ایس پی آر) کے مطابق پاکستان اور مصر کی مشترکہ ایئر ڈیفنس مشقوں اسکائی گارڈز 1 کی اختتامی تقریب مصر کے دارالحکومت قاہرہ میں منعقد ہوئی۔سکائی گارڈز 1 مشقوں کی اختتامی تقریب میں کمانڈر ایئر ڈیفنس نے شرکت کی۔ آئی ایس پی آر کا مزید کہنا ہے کہ دونوں ممالک کے درمیان آرمی ڈیفنس کی یہ پہلی مشقیں ہیں۔آئی ایس پی آر نے یہ بھی بتایا کہ اسکائی گارڈز 1 کے دوران جارحانہ فوری ردِ عمل کی مشقیں بھی کی گئیں۔2ہفتےتک جاری رہنےوالی مشقوں میں مختلف نوعیت کی ڈرلزکی گئیں۔اگلامیزائل سمیت مختلف ہتھیاروں کی فائر پاورکامظاہرہ کیاگیا۔

اختتامی مشقوں میں شریک کمانڈر ایئر ڈیفنس لیفٹننٹ جنرل حمودالزمان خان نے پیشہ ورانہ صلاحیتوں کی تعریف کرتے ہوئے کہا کہ جوان ابھرتے ہوئے چیلنجز سے نمٹنے کیلئے نئی تکنیکی مہارتیں اختیار کریں۔ تقریب میں پاکستانی سفیر ساجد بلال، ایئر فورس کے ڈی جی ایئر آپریشن اور دیگر اعلیٰ حکام نے بھی شرکت کی۔