علی محمد خان نے ضمنی الیکشن کو 8 فروری کا تسلسل قرار دے دیا

پاکستان تحریک انصاف (پی ٹی آئی) کے  رہنما علی محمد خان نے ضمنی الیکشن کو دھاندلی زدہ قرار دیتے ہوئے اسے 8 فروری کے عام انتخابات کا تسلسل قرار دے دیا۔

سوشل میڈیا پلیٹ فارم ایکس پر اپنے ٹویٹ میں علی محمد خان نے کہا کہ کل 21 اپریل کے ضمنی الیکشن میں خاص طور پر پنجاب سے دھاندلی کی بے انتہا شکایات آئی ہیں، گجرات میں جعلی بیلٹ پیپرز کی شکایات اور مختلف حلقوں سے آر و دفاتر میں کنسالوڈیشن کے عمل سے امیدواروں کو باہر نکالنا اور حکومتی مشینری کا بے دریغ استعمال یہ سب کچھ 8 فروری کے الیکشن کی دھاندلی کا تسلسل ہے۔

کل 21 اپریل کے ضمنی الیکشن میں پھر دھاندلی کی بے انتہا شکایات آئی ہیں خاص کر پنجاب سے۔ گجرات میں جعلی بیلٹ پیپرز کی شکایات اور مختلف اور حلقوں سے آر و دفاتر میں کنسالوڈیشن Consolidation کے عمل سے امیدواروں کو باہر نکالنا اور حکومتی مشینری کا بے دریغ استعمال یہ سب کچھ 8 فروری کے…

— Ali Muhammad Khan (@Ali_MuhammadPTI) April 22, 2024

انہوں نے مزید کہا کہ عوام کا اب اس پورے عمل سے اعتماد اٹھ رہا ہے اور یہ نظام اپنی افادیت بہت سرعت کے ساتھ کھو رہا ہے۔ اگر ملک کو جمہوریت سے چلانا ہے تو جمہور یعنی عوام کے فیصلوں کو ماننا ہوگا نہ کہ اپنی مرضی کے نتائج حاصل کرنے کے لئے پورے نظام کو یرغمال بنایا جائے۔

علی محمد خان نے کہا کہ  الیکشن کمیشن کے عملے کو زد و کوب کیا گیا،  میں اپنے حلقے میں مہم نہیں چلا سکا، بدقسمتی سے ریاست نے کوئی سبق نہیں سیکھا۔ پنجاب میں عوام ووٹ کسی اور کو دے رہے ہیں، زرلٹ کوئی اور تیار کر رہا ہے اگر کے پی میں کسی کو شکایت ہے تو سامنے لائے۔