سینئر سیاستدان ظفرلغاری انتقال کر گئے

تفصیلات کے مطابق ظفر علی خاں لغاری  کا  تعلق  سندھ کے شہر دادو سے تھا۔ سابق وفاقی وزیر حاجی ظفر علی خان لغاری سابق وزیراعظم بینظیربھٹو اور ذوالفقار بھٹو کے قریبی ساتھیوں میں  سے تھے۔وہ   وزیرِ ریلوے بھی رہ چکے ہیں۔

سابق رکنِ قومی اسمبلی عمران ظفر لغاری کے مطابق پیپلز پارٹی کے سینئر رہنما اور سابق وفاقی وزیرظفر علی خاں لغاری  کافی عرصے سے علیل تھے اور کراچی کے ایک نجی ہسپتال میں زیرِ علاج  تھے ۔ کچھ  روز قبل وزیراعلی سندھ  مراد علی شاہ نے حاجی ظفر علی خان لغاری کی عیادت بھی کی تھی۔

ظفرعلی خان لغاری کی نمازِ جنازہ آج شام خیر پور ناتھن شاہ میں واقع سیتا روڈ پر ادا کی جائے گی۔