ٹوئٹر نے اپنی پہلی سبسکرپشن سروس متعارف کروادی

تفصیلات کے مطابق    ٹویٹر کا  یہ فیچر صارفین کو ٹوئٹ کرنے سے پہلے ٹوئٹ میں ترمیم کرنے کے ساتھ ساتھ ایپ کا کلر تھیم تبدیل کرنے کی  بھی اجازت دے گا۔ اس کے علاوہ  یہ  ٹوئٹر کے پلیٹ فارم پر ریونیو کے نئے ذرائع کے حصول اور اشتہارات کی فروخت کو بڑھانے کے لیے کام کرے گا ۔

نئے فیچر کے ذریعے ٹوئٹر صارفین ٹوئٹ میں ٹائپوز کو درست کرنے کے لیے ایڈٹ کا بٹن استعمال کرنے کے بجائے اب اس فیچر کے ذریعے کچھ سیکنڈز یا منٹ کا وقت سیٹ کرکے ٹوئٹ کو پوسٹ سے پہلے ہی  ان ڈو کرسکیں گے۔

 اس فیچر میں نئے بک مارک فولڈربھی شامل ہیں جس کے تحت صارفین محفوظ ٹوئٹس کو مزید منظم کرسکیں گے تاکہ انہیں وقت پر بآسانی تلاش کیا جاسکے۔ جبکہ اس کے نئے ریڈر موڈ کے ذریعے  مختلف اور طویل ٹوئٹس کو پڑھنے میں آسانی ہوگی۔ 

آسٹریلیا اور کینیڈا میں  اس فیچر کی قیمت  ماہانہ 3.49  سی اے ڈی  اور  امریکا میں2.99 ڈالر  مقرر کی گئی ہے ۔