ماحول دوست ٹیکنالوجی کے فروغ سے ماحولیاتی آلودگی کو کم کیا جا سکتا ہے : زرتاج گل

تفصیلات کے مطابق ماحولیات کے عالمی دن کے حوالے سے مرکزی تقریب کنونشن سینٹر اسلام آباد میں جاری ہے۔ اس حوالے سے   وفاقی وزیر برائے ماحولیاتی تبدیلی زرتاج گل نے کہا کہ پاکستان سمیت دنیا بھر میں آج ماحولیات کا دن منایا جارہا ہے، زمین سرسبز اور خوبصورت ہے اور اللہ نے انسان کو زمین کا نگہبان  ٹھہرایا ہے ، یہ اعزاز کی بات ہے کہ پاکستان اس سال عالمی یوم ماحولیات کی میزبانی کررہا ہے۔انہوں نے کہاکہ پاکستان پر ماحولیاتی تبدیلی سے رونما ہونے والے اثرات زیادہ ہیں جنہیں ماحول دوست ٹیکنالوجی کے فروغ سے ماحولیاتی آلودگی کو کم کیا جا سکتا ہے۔

انہوں نے کہا کہ سونامی میں ایک ارب درخت لگا چکے ہیں، کلین گرین پاکستان میں عوام کے رویے کو تبدیل کرنے کی مہم چلائی جا رہی ہے۔ہم نے دنیا سے وعدہ کیا ہے کہ ائر کوالٹی کو بہتر کرنے کیلئے 2030 تک 30 فیصد گاڑیاں بجلی پر منتقل کردی جائیں گی ۔تھر اور بلوچستان مین زیر زمین پانی 1200 فٹ سے نیچے چلا گیا ہے تبا ہ کے بجائے اپنا اثاثہ بنا چاہتے ہیں۔ زرتاج گل نے کہاکہ ہم بارش اور سیلاب کے پانی کو تباہ کاری کے بجائے اپنا اثاثہ بنارہےہیں،ریچارج پاکستان پروگرام میں زیر زمین پانی کی سطح بہترکریں گے۔انہوں نے کہاکہ کلائمٹ سمارٹ ایگریکلچر پروگرام میں فوڈ سیکیورٹی پر توجہ دے رہے ہیں ، ایکو سسٹم کی بحالی کے تحت 23 نیشنل پارک بحال کیے ہیں اور ان نیشنل پارکس میں شکار کی اجازت نہیں،یہ سیاحت کے فروغ میں مدد دینگے۔ ان کاکہنا تھا کہ پارلیمنٹ میں ٹری ٹوینٹی بل لے کر آرہے ہیں ، ٹری ٹوینٹی کے تحت نوجوانوں کوگریجویشن اورماسٹرزکے دوران 20درخت لگانے پر 20اضافی نمبر دئیے جائیں گے ۔ انہوں نے مزید کہاکہ پاکستان کو موسمیاتی تبدیلی سے سب سے زیادہ خطرہ ہے، 2010 کے سپر فلڈ میں صرف ڈیرہ غازی خان سے 30ز لاکھ لوگ بے گھر ہوئے، دنیا کی صنعتی ترقی کی وجہ سے ہمارا غریب طبقہ متاثر ہو رہا ہے اور پاکستان میں موسمیاتی تغیرکی وجہ سےنقل مکانی شروع ہو چکی ہے۔