پنجاب موٹرسائیکل سکیم 2024 تاخیر کا شکار

 چیف منسٹرپروگرام کے تحت موٹر سائیکل سکیم میں اپلائی کرنے والے طلباء کے لیے بری خبر 

لاہور ہائی کورٹ نے پنجاب حکومت کو چیف منسٹرپروگرام کے تحت طلباء میں موٹر سائیکل تقسیم کرنے سے  روک دیا ۔ 
جسٹس شاہد کریم نے پانچ صفحات پر مشتمل فیصلہ سناتے ہوئے محکمہ ماحولیات کی منظوری کے بغیر چیف منسٹر موٹر سائیکل سکیم پر عملدرآمد کو روک دیا ۔ 
عدالتی فیصلے میں بتایا گیا کہ چیف منسٹرپروگرام کے تحت بڑی تعداد میں شامل پٹرول بائکس کی تقسیم  کے ماحول پر منفی اثرات مرتب ہوں گے۔ 
یاد رہے کہ گزشتہ ماہ  پنجاب میں چیف منسٹر پنجاب مریم نواز کی زیرسربراہی طلباء  کے لیے موٹر سائیکل سکیم کا اجراء کیا گیا تھا جس کے تحت طلباء میں موٹر سائیکلز  کی تقسیم کی جانی تھیں جن میں انیس ہزار پٹرول بائیکس کی تقسیم شامل تھی۔ 
عدالت نے ماحولیاتی مسائل کے خدشات کے پیش نظر اپنا فیصلہ جاری کرتے ہوئے پنجاب حکومت کے پٹرول بائکس کے منصوبہ  کو محکمہ موسمیات کی منظوری سے مشروط کر دیا ۔