پیپلز پارٹی اور حکومت میں اتحا د کا امکان

پیپلز پارٹی کے سینیئر رہنما یوسف رضا گیلانی نے پیپلز پارٹی  کے  حکومت میں شامل ہونے کا عندیہ دے دیا۔  

پیپلز پارٹی راہنما یوسف رضا گیلانی  نے میڈیا سے گفتگو کرتے ہوئے کہا کہ پیپلز پارٹی  نے کبھی نہیں کہا کہ وہ  حکومت کے ساتھ نہیں۔ انہوں نے کہا مذاکرات کے لیے کمیٹی بنا دی گئی ہے جس کی مسلم لیگ ( ن ) کے ساتھ مشاورت جاری ہے۔ حکومت میں شامل ہونے کا فیصلہ کمیٹی کی سفارشات پر ہی کیا جائے گا ، مرکز اور پنجاب میں مناسب وقت اور جگہ کا تعین کرنے کے بعد ہی حکومت بنانے  کا فیصلہ کریں گے ،  انتخابات کی  صورتحال کے حوالے سے بات کرتے ہوئے انہوں نے کہا کہ پیپلز پارٹی کا مسلم لیگ( ن ) سے اتحاد ہے۔ انتخابات میں بھی ایک دوسرے کی حمایت کرتےہوئے دونوں جماعتوں نے ایک دوسرے کے امید واروں  کیلئے  سیٹیں  چھوڑ دیں تھیں ۔ 

حکومتی امور میں شمولیت کے حوالے سے انہوں نے مزید کہا کہ حکومت کے اچھے کاموں میں اس کا ساتھ دیں گے ۔اسمبلی میں  کوئی  بھی بل یا قانون پاس ہوگا تو اکثریت سےہوگا۔ 
سینیئر رہنما یوسف رضا گیلانی  کا کہنا تھا ملک کا اصل  مقابلہ دہشت گردی سے ہے ،جس کے لیے تمام سٹیک ہولڈرز کو مل بیٹھ کر فیصلہ کرنا چاہیے۔ملکی مفاد کی خاطر  ان کی جماعت کسی کے ساتھ بھی بات کرنے کو تیار ہے۔سیاسی جماعت پی ٹی آئی کو مذاکرات کی دعوت دیتے ہوئے کہا  کہ پی ٹی آئی  رہنما بتا دیں  کہ وہ  کس سے مذاکرات کرنا چاہتے ہیں۔