مارگلہ کی پہاڑیوں میں لگی آگ پر قابو پانے کےلئے پاک آرمی کے ہیلی کاپٹرز کا ریسکیو آپریشن

اسلام آباد میں مارگلہ کی پہاڑیوں کے سید پور ولیج رینج میں آگ لگ گئی جس پر قابو پانے کی کوششیں جاری ہیں۔

پاک آرمی اور  سکس ایوی ایشن اسکواڈرن کے ہیلی کاپٹر آگ بجھانے میں مصروف ہیں۔

سی ڈی اے کے 75 سے زائد فائر فائٹرز  بھی آگ پر قابو پانےکی کوششوں کا حصہ ہیں، فائر فائٹرز کی مزید ٹیمیں روانہ کردی گئی ہیں، تیز ہوا کے باعث آگ پر قابو پانے میں مشکلات کا سامنا ہے اور آگ کی شدت میں مزید اضافہ ہو رہا ہے۔

وزیراعظم شہباز شریف نے مارگلہ پہاڑیوں پر لگی آگ جلد بجھانے کی ہدایت کی ہے اور کہا ہے کہ آگ پر جلد سے جلد قابو یقینی بنایا جائے، یقینی بنایاجائے کہ آگ سےکسی انسانی جان کو نقصان نہ پہنچے۔

وزیرِ اعظم کی ہدایت پر مارگلہ کی پہاڑیوں پر لگی آگ پر قابو پانے کیلئے ہیلی کاپٹرز کو آگ بجھانے کے آپریشن میں شامل کیا گیا ہے.

وزیراعظم شہباز شریف نے ہدایت کی ہےکہ جس قدر ہوسکے جنگلی حیات کا تحفظ بھی یقینی بنایا جائے۔