رفح، پناہ گزینوں پر حملہ افسوسناک ، تحقیقات کرائی جا رہی ہیں، اسرائیلی وزیراعظم

اسرائیلی وزیرا عظم نیتن یاہو نے کہا ہے کہ پیر کے روز پناہ گزینوں پر رفح میں حملہ افسوسناک حادثہ تھااور اس کی فوجی تحقیقات کرائی جارہی ہیں۔

غیر ملکی میڈیا رپورٹس کے مطابق اسرائیلی وزیر اعظم نیتن یاہو نے رفح کے پناہ گزین پر پیر کے روز کیے گئے اسرائیلی فوج کے حملے کو افسوس ناک حادثہ قرار دینے کے باوجود کہا ہے کہ حماس کو ہر صورت شکست دینا ہے۔

اسرائیلی فوج نے بے گھر فلسطینیوں پر حملہ کیا ، اس حملے میں کم از کم 45 فلسطینی پناہ گزین ہلاک اور 249 زخمی ہو گئے ہیں۔ رفح پچھلے تقریباً آٹھ ماہ سے جاری جنگ کے دوران بے گھر ہونےوالے غزہ کے فلسطینیوں کی اکلوتی پناہ گاہ ثابت ہوا جہاں ایک اندازے کے مطابق 15 لاکھ کے لگ بھگ بے گھروں نے اس عرصے میں پناہ لی۔

اب انہیں ایک بار پھر اسرائیلی فوج کے حملوں ، بمباری اور بے گھر و نقل مکانی کا سامنا ہے۔ وہ اسرائیلی فوج کے دباؤ پرنئی جگہوں پر منتقل ہو رہے ہیں مگر اسرائیلی فوج اس کی پرواہ کیے بغیر انہیں نشانہ بنا رہی ہے۔

غیر ملکی میڈیا کے مطابق اسرائیلی فوج کا کہنا کہ اسے انٹیلی جنس اطلاعات تھی کہ اس کیمپ میں دو جنگجو تھے۔ اس وجہ سے اسرائیلی فوج نے سینکڑوں کی تعداد والے اس پناہ گزین کیمپ پر بمباری کی اور خیموں کو آگ لگ گئی۔