ایف آئی اے سائبر ونگ کا عمران خان کے ٹوئٹر( ایکس) اکاؤنٹ کی انکوائری کا فیصلہ

ایف آئی اے سائبر ونگ نے بانی پی ٹی آئی کے ٹویٹ کا  نوٹس لیتے ہوئے ٹویٹ کے خلاف انکوائری کا فیصلہ کر لیا۔ 
ذرائع کے مطابق ایف آئی اے سائبر ونگ نے ٹویٹ کی گئی ویڈیو کو پراپوگینڈہ قرار دیتے ہوئے تحقیقات کا آغاز کر دیا۔ تحقیقات میں اس بات کا تعین کیا جائے گا کہ جب بانی پی ٹی آئی خود  اڈیالہ جیل میں قید ہیں تو پھر   یہ  ویڈیو آیا کہ خود بانی پی ٹی آئی نے ہی  اپلوڈ کی یا  پھر ان کی اجازت سے اپلوڈ کی گئی۔ مزید یہ کہ یہ پاکستان مخالف پروپیگنڈہ کس نے بنایا ۔اور آخر کس کی اشیر آبادسے یہ چلایا گیا۔ 
ذرائع کے مطابق اگر یہ حرکت اکاؤنٹ ہولڈ ر کی  طرف سے کی گئی تو ان کے خلاف قانون حرکت میں لایا جائے گا۔ اور اگر ان کی طرف سے لا علمی کا اظہار کیا گیا تو انہیں غیر قانونی طور پر استعمال ہونے کی بناء پر اپنا اکاؤنٹ   بند کرنے کے لیے تحریری درخواست دینا ہو گی۔

”ہر پاکستانی کو حمود الرحمان کمیشن رپورٹ کا مطالعہ کرنا اور یہ جاننا چاہئیے کہ اصل غدار تھا کون؛ جنرل یحیٰ خان یا شیخ مجیب الرحمٰن“ - بانی چیئرمین پاکستان تحریک انصاف عمران خان #غدار_کون_تھا pic.twitter.com/w18MyZYONB

— Imran Khan (@ImranKhanPTI) May 27, 2024

 
ایف آئی اے سائبر ونگ ٹویٹ کی  تحقیقات کے لیے بانی تحریک انصاف سمیت تین مزید پی ٹی آئی رہنماؤں  سے پوچھ گچھ کرے گی جس میں بیرسٹر گوہر ایوب، رؤف حسن  اور عمر ایوب شامل ہیں۔ 
یاد رہے کہ بانی پی ٹی آ ئی کے آفیشل ٹویٹر( ایکس ) اکاؤنٹ سے کچھ دن قبل  ایک ٹویٹ کیا گیا جس میں حمود الرحمنٰ کمیشن رپورٹ کے پیش نظر  بنگلہ دیش کے بانی رہنما شیخ مجیب الر حمنٰ اور پاکستانی جنرل یحییٰ کا تقابلی جائزہ کیا گیاتھا۔