تجارت
پاکستان اور آذربائیجان میں کاروباری تعلقات بڑھانے پر اتفاق
اسحاق ڈار نے کہاکہ دونوں ملک پارلیمانی وفود کے تبادلوں، ثقافتی تعاون اور عوامی روابط کوبھی بڑھائیں گے
![پاکستان اور آذربائیجان میں کاروباری تعلقات بڑھانے پر اتفاق](/media/107218/conversions/12236882201717069464-1280x720.jpg)
پاکستان اور آذربائیجان نے تجارت، سرمایہ کاری، روابط، توانائی اور دفاع کے شعبوں میں کثیر جہتی تعاون کو فروغ دینے پر اتفاق کیا ہے۔
روابط کا اتفاق اسلام آباد میں دونوں ملکوں کے درمیان وفود کی سطح پر مذاکرات کے دوران کیا گیا۔ نائب وزیراعظم اور وزیرخارجہ اسحق ڈار نے پاکستانی وفد کی قیادت کی جبکہ آذربائیجان کے وزیر خارجہ جیہن بیرومونے اپنے ملک کے وفد کی قیادت کی۔
اس کے بعد وزیر خارجہ اسحاق ڈار نے ایک مشترکہ نیوز کانفرنس سے خطاب میں کہا کہ دونوں ملک دوطرفہ سرمایہ کاری خصوصاً توانائی کے شعبے میں سرمایہ کاری بڑھانے کے لئے اقدامات کررہے ہیں، انہوں نے کہا کہ اس شعبے میں تعاون کے فروغ کے لئے توانائی کا مشترکہ ورکنگ گروپ کلیدی کردار ادا کرے گا۔
اسحاق ڈار نے کہاکہ دونوں ملک پارلیمانی وفود کے تبادلوں، ثقافتی تعاون اور عوامی روابط کوبھی بڑھائیں گے۔ وزیر خارجہ نے کہا کہ پاکستان نے آذربائیجان کی خود مختاری اور علاقائی سا لمیت کی ہمیشہ حمایت کی ہے۔ انہوں نے جموں و کشمیر کے تنازعے پر آذربائیجان کی جانب سے غیر متزلزل حمایت کو بھی سراہا۔
انہوں نے پاکستان کے اقوام متحدہ کی سلامتی کونسل میں غیر مستقل رکنیت کے لئے آذربائیجان کی جانب سے حمایت کی بھی تعریف کی۔آذربائیجان کے وزیر خارجہ نے اپنے تاثرات میں کہا کہ تنازعہ جموں و کشمیر پر ان کا موقف دوٹوک ہے اور آذربائیجان اقوام متحدہ کی سلامتی کونسل کی متعلقہ قرارد ادوں کے مطابق تنازعے کے پر امن حل کی حمایت کرتا ہے۔
پاکستان
گوگل میپ پر اڈیالہ جیل عمران خان کے نام سے منسوب کر دی گئی
واضح رہے کہ متعدد مقدمات میں قانونی ریلیف حاصل کرنے کے باوجود عمران خان جیل سے باہر نہ آ سکے
![گوگل میپ پر اڈیالہ جیل عمران خان کے نام سے منسوب کر دی گئی](/media/112859/conversions/Capture-1280x720.jpg)
تحریک انصاف کے بانی چیئرمین اور سابق وزیراعظم عمران خان جنہیں جیل میں تقرباً ایک برس ہو چکا ہے اس عرصے میں جہاں کئی سیاسی رہنما تحریک انصاف کو خیرباد کہہ گئے وہیں کئی اہم رہنما 9 مئی کے واقعے کے بعد گرفتار ہوئے اور ایک نئی قیادت ابھر کر سامنے آئی۔
عمران خان کا ڈر ہے ؟
— Qasim Khan Suri (@QasimKhanSuri) July 25, 2024
عمران خان تو ہو گا ‼️ pic.twitter.com/z4lB65zYst
متعدد مقدمات میں قانونی ریلیف حاصل کرنے کے باوجود عمران خان جیل سے باہر نہ آ سکے ۔ ان تمام واقعات کے بعد خیال کیا جا رہا تھا کہ عمران خان کی مقبولیت میں کمی واقع ہو گی لیکن ایسا نہ ہوا. انہوں نے جو بیانیہ بھی بنایا وہ عوامی پذیرائی حاصل کرنے میں کامیاب رہا اور وہ اس وقت بھی پاکستان کے مقبول ترین رہنماؤں میں سے ایک ہیں۔
عمران خان کی مقبولیت کا اندازہ اس سے لگایا جا سکتا ہے کہ گوگل میپ پر بھی اڈیالہ جیل عمران خان کے نام سے منسوب کر دی گئی ہے۔
پی ٹی آئی کے حامی صارفین گوگل کے اس اقدام پر خوشی کا اظہار کر رہے ہیں گوگل نے اڈیالہ جیل کو عمران خان کی لوکیشن سے منسوب کردیا آپ بھی سرچ کرکے عمران خان کے سیل کو دیکھ سکتے ہیں۔
پاکستان
صدر مملکت کی سپریم کورٹ آف پاکستان میں ایڈہاک ججز کی تقرری کی منظوری
ایوان صدر سے جاری پریس ریلیز کے مطابق صدر مملکت نے آئین کے آرٹیکل 182 کے تحت منظوری دی
![صدر مملکت کی سپریم کورٹ آف پاکستان میں ایڈہاک ججز کی تقرری کی منظوری](/media/112879/conversions/1121939_5627284_2_akhbar-1280x720.jpg)
صدر آصف علی زرداری نے سپریم کورٹ آف پاکستان میں ایڈہاک ججز کی تقرری کی منظوری دے دی۔
ایوان صدر سے جاری پریس ریلیز کے مطابق صدر مملکت نے آئین کے آرٹیکل 182 کے تحت منظوری دی۔
ججز میں سپریم کورٹ کے سابق جج جسٹس سردار طارق مسعود اور جسٹس مظہر عالم خان میاں خیل شامل ہیں۔ وہ ایک سال کی مدت کے لیے سپریم کورٹ کے ایڈہاک جج کے طور پر تعینات ہوں گے۔
پاکستان
عنبرین جان وفاقی سیکریٹری اطلاعات ونشریات تعینات
اسٹیبلشمنٹ ڈویژن نے اُن کی تعیناتی کا نوٹیفکیشن جاری کردیا ہے
![عنبرین جان وفاقی سیکریٹری اطلاعات ونشریات تعینات](/media/112860/conversions/2673685-msambreenjan-1721885451-679-640x480-1280x720.jpg)
عنبرین جان کو وفاقی سیکریٹری اطلاعات ونشریات تعینات کردیا گیا ہے۔
اسٹیبلشمنٹ ڈویژن نے اُن کی تعیناتی کا نوٹیفکیشن جاری کردیا ہے۔
انفارمیشن گروپ کی گریڈ اکیس کی آفیسرعنبرین جان اس سے قبل وزارت اطلاعات ونشریات کے ایکسٹرنل پبلسٹی ونگ کی ایگزیکٹو ڈائریکٹر کے عہدے پر خدمات انجام دے رہی تھیں۔
-
تجارت ایک دن پہلے
ملک میں سونے کی قیمت میں ہزاروں روپے کی کمی
-
تجارت ایک دن پہلے
درآمدی موبائل فونز پر ٹیکس عائد، مہنگے ہو نے کا امکان
-
ٹیکنالوجی 16 گھنٹے پہلے
الیکٹرک گاڑیوں کا مستقبل خطرے میں؟
-
دنیا 2 دن پہلے
سابق برطانوی وزیرعظم رشی سونک نے پارٹی عہدے سے استعفیٰ دیدیا
-
جرم 2 دن پہلے
جعلی دستاویزات پر برطانیہ بھیجنے کے الزام میں 2 ملزمان گرفتار
-
تجارت 2 دن پہلے
حکومت کا پٹرولیم مصنوعات کی قیمتوں کی ذمہ داری سے نکلنے کا فیصلہ
-
پاکستان 2 دن پہلے
26 جولائی کو مہنگائی کے خلاف اسلام آباد میں دھرنا دیں گے ، نائب امیر جماعت اسلامی
-
علاقائی 2 دن پہلے
کوئٹہ : تربت میں زلزلے کے جھٹکے