امریکہ کی پا کستان کو معاشی تعاون کی یقین دہانی

پاکستان اور امریکہ نے دوطرفہ تعلقات پر اطمینان کا اظہار کرتے ہوئے مستقبل میں انہیں مزید مضبوط بنانے کے عزم کا اعادہ کیا ہے۔

 آج اسلام آباد میں نائب وزیراعظم اور وزیرخارجہ اسحاق ڈار اور پاکستان میں امریکی سفیر ڈونلڈبلوم کے درمیان ملاقات ہوئی جس میں امریکی سفیر نے پاکستان کے ساتھ مکمل طورپر تعاون کرنے کی یقین دہانی کروائی ۔ 

ملاقات میں سیکورٹی اور معاشی تعاون سمیت دوسرے دوطرفہ امور پر تبادلہ خیال کیا گیا۔ڈونلڈبلوم نے اسحاق ڈار کو حال ہی میں ہونے والے امریکی وفود کے دورہ پاکستان کے ثمرات سے آگاہ کیا۔