فرانسیسی صدر کو شہری نے تھپڑ ماردیا

غیر ملکی خبر رساں ادارے  کے مطابق فرانسیسی صدر ایمونیول میکرون  کو جنوب مشرقی شہر ڈروم  کے دورے  پر تھے ، جہاں انہوں نے ہوٹل  مالکین  اور طلباء سے ملاقات کی جس میں بتایا گیا کہ کوویڈ 19 کی وبا کے بعد زندگی کس طرح معمول پر آرہی ہے۔

سوشل میڈیا پر منظر عام پر آنے والی ایک ویڈیو میں ایک شخص جس نے سبز رنگ کی شرٹ پہنی ہوئی ہے اور  عینک لگا رکھی ہے۔ اس  شخص نے چہرے پر  نقاب  بھی کیا ہوا ہے ، "ڈاون ود میکرونیا" کے نعرے لگائے اور پھر صدر کو تھپڑ مار دیا۔

میکرون کے سکیورٹی عملے نے مداخلت کرتے ہوئے  اس شخص کوپکڑ لیا اور فرانسیسی صدر میکرون کو لے کر چلے گئے۔

صدارتی انتظامیہ نے کہا کہ میکرون پر حملہ کرنے کی کوشش کی گئی ہے ، لیکن اس پر مزید کوئی تبصرہ کرنے سے انکار کردیا۔