ڈیرہ غازی خان میں نامعلوم افراد کی فائرنگ سے دو نوجوان جاں بحق

جی این این کے مطابق افسوس ناک واقعہ   ڈیرہ غازی خان کے علاقے ریلوے روڈ پر پیش آیا ، جہاں نامعلوم افراد کی فائرنگ  سے دو نوجوان موقع پردم توڑ گئے ۔  ملزمان موقع سے فرار ہونے میں کامیاب ہوگئے ۔واقعہ کی اطلاع  ملنے پر پولیس تھانہ سول لائن موقع پر پہنچ گئی۔پولیس کے مطابق جاں بحق ہونے والوں کی شناخت راول اور زین کے نام سے ہوئی  جن کی عمریں بیس سے اکیس سال ہیں۔ پولیس کی جانب سے دونوں نعشوں کو پوسٹ مارٹم کے لیے ٹیچنگ ہسپتال منقل کر دیا گیا ہے ۔ پولیس  کاکہنا ہے کہ واقعہ پرانی دشمنی کا شاخسانہ لگتا ہے ،  جبکہ جائے وقوعہ سے شواہد اکھٹے کیے جا رہے  ہیں۔