اسرائیلی وزیرعظم سیاسی بچائو کیلئے غزہ جنگ کو طول دینے کوشش کررہے ہیں، بائیڈن

امریکی صدر جوبائیڈن نے کہا کہ اسرائیلی وزیراعظم نیتن یاہو سیاسی بچائو کیلئے غزہ میں جاری جنگ کو طول دینے کی کوشش کررہے ہیں۔

غیر ملکی میڈیا کے مطابق ایک انٹرویو میں انہوں نے کہا کہ نیتن یاہو کے ساتم غزہ جنگ کے حوالے سے بڑا اختلاف ہے۔ میرے خیال میں سات اکتوبر کے حماس کے حملے کے نتیجے میں چھڑنے والی جنگ کے دوران اسرائیل نے اپنے آپ کو ایک نامناسب جنگمیں ملوث کر لیا ہے۔

ان کا کہنا تھا کہ انتخابی حریف کے مقابلے میں بہتر پوزیشن پر ہوں اور میں نے تائیوان، یوکرین اور غزہ کے حوالے سے امریکہ کو ایک عالمی طاقت کے طور پر پیش کرنے میں بہتر کردار ادا کیا ہے۔

اسرائیل کی غزہ جنگ کو طول دینے کے سوال کے جواب میں انہوں نے کہا کہ پھر لوگوں کے پاس وجہ موجود ہے کہ انہیں یہ نتیجہ کس طرح اخذ کرنا ہے۔ انہوں نے یہ بھی بتایا کہ نیتن یاہو کے ساتھ غزہ میں شہری ہلاکتوں کی بڑھتی ہوئے تعداد پر ان کے تعلقات میں کشیدگی آئی۔ خصوصا فلسطین کے دوریاست حل کے حوالے سے بھی۔

امریکی صدر بائیڈن نے یوکرین پر روسی حملے کا ذکر کرتے ہوئے اسے خوفناک تباہی قرار دیا۔

جوبائیڈن نے یوکرائن جنگ کے حوالے سے گفتگو کرتے ہوئے کہا کہ روسی فوج ایک خوفناک تباہی کر رہی ہے۔ مگر ایسا لگتا ہے روس کبھی یوکرین پر قبضہ نہیں کرے گا۔