ون وے ٹریفک کی خلاف ورزی پر اب لائسنس معطل ہو گا

تفصیلات  کے مطابق صوبائی دارالحکومت لاہور میں  ٹریفک کے مسائل  میں روزبروز اضافہ ہورہا ہے ، شہریوں کو حادثات اور ٹریفک جام سے بچانے کےلئے سی ٹی او لاہور کی جانب سے اہم فیصلے کیے گئے ہیں ۔   سی ٹی او لاہور منتظر مہدی  کے مطابق حادثات اور ٹریفک جام کی بڑی وجہ شہریوں کی بےجاء ون وے کی خلاف ورزی کرنا ہےلہذا  اب ون وے ٹریفک کی خلاف ورزی پر چالان کے ساتھ ساتھ لائسنس بھی معطل کیا جائے گا،  ون وے ٹریفک کی خلاف ورزی پرکوئی بھی وائیلٹرزرعایت کا مستحق نہیں ہوگا ۔

ان کاکہنا تھا کہ  ون وے جگہوں کی نشاندہی کرتے ہوئے وارڈنز کی اضافی نفری تعینات کر دی گئی ہے ۔ سی ٹی او نے مزیدکہاکہ  ون وے ٹریفک کی خلاف ورزی خودکشی کے مترادف ہے ، چند سکینڈز کے خاطر شہری اپنی اور دوسروں کی جان داؤ پر لگا دیتے ہیں،  محفوظ سفر کےلئے ٹریفک قوانین کا احترام لازم ہے  ۔