6 برس قبل تعمیر ہونے والی  موٹروے ایم تھری  ٹوٹ پھوٹ کا شکار

6 برس قبل تعمیر ہونے والی  موٹروے ایم تھری  ٹوٹ پھوٹ کا شکار ہو گئی ۔ 

لاہور سے عبدالحکیم جانے والی  موٹر وے  جگہ جگہ سے ٹوٹ پھوٹ کا شکار ہو گئ ، ایم تھری موٹر وے 2019 میں 148 ارب روپے کی لاگت میں تعمیر ہوئی تھی ۔ 

موٹر وے ٹوٹ پھوٹ ہونے کے باعث عوام کو شدید مشکلات کا سامنا کرنا پڑرہا ہے ، ممبر نیشنل ہائی وے اتھارٹی افتخار ساجد کی جی این این سے ٹیلی فونک گفتگو ہوئی جس میں تمام تر صورتحال سے آگاہ کیا گیا ۔ 

ممبر این ایچ اے افتخار ساجد نے کہا کہ ایم تھری پر کھڈے مین موٹر وے پر نہیں سروس ایریا پر ہیں، ایم تھری پر کچھ ایریا میں کھڈے پڑنے کی نشاندہی ہوئی تھی ۔ 
موٹر وے کی ہینڈنگ ٹیکنگ اوور کا عمل مکمل نہیں ہوا، ایم تھری چائنیز کمپنی نے پاکستانی کمپنی کے ساتھ مل کر تعمیر کی گئی تھی ۔ 

ممبر این ایچ اے نے کہا کہ تعمیراتی کمپنی کو ابھی موٹر وے کی تکمیل کا سرٹیفکیٹ جاری نہیں ہوا،انہوں نے کہاکہ  تکمیل کا سرٹیفکیٹ جاری نہ ہونے تک سڑک کی مینٹینس کی ذمہ داری متعلقہ کنٹریکٹر کی ہوتی ہے ۔ 

انہوں نے مزید کہا کہ روڈ کی ٹوٹ پھوٹ معمول کا مسئلہ ہے، ناقص میٹیریل کے استعمال کا امکان ممکن ہی ہیں ہوتا ۔