ساہیوال ٹیچنگ ہسپتال میں شارٹ سرکٹ کے باعث آتشزدگی سے دو بچے جاں بحق

ساہیوال ٹیچنگ ہسپتال میں شارٹ سرکٹ کے باعث آتشزدگی سے دو بچے جاں بحق ہوگئے ۔ 

ساہیوال کے ٹیچنگ ہسپتال کے چلڈرن وارڈ میں اچانک آگ بھڑک اٹھی، جس کے نتیجے میں ہسپتال انتظامیہ کو جانی اور مالی نقصان کا سامنا کرنا پڑا۔ 
ریسکیو ذرائع کے مطابق ساہیوال ٹیچنگ ہسپتال کے چلڈرن وارڈ میں آتشزدگی کا واقعہ شارٹ سرکٹ کے باعث پیش آیا۔ 
 ہسپتال انتظامیہ کے مطابق حادثے کے بعد لگ بھگ 60 سے 70 بچوں کو فوری طور پر چلڈرن وارڈ سے ایمر جنسی وارڈ میں منتقل کر دیا گیا۔ 
دوران آتشزدگی، متاثرین کو منتقل کرتے ہوئے ایک سیکیورٹی گارڈ بھی زخمی ہو گیا، جبکہ 2 بچے جان کی بازی ہار گئے ۔ مزید 2 زخمی بچوں کی حالت بھی تشویشناک بتائی جا رہی ہے۔ 
ذرائع کے مطابق وفات پانے والے بچوں میں نواحی گاؤں 91 سکس آر کی اریبہ اور گڑھ فتح شاہ کا عباس شامل ہیں۔ دونوں بچے پیدائشی طور پر بیمار تھے۔  
ہسپتال انتظامیہ کے مطابق آتشزدگی کے دوران وارڈ کے قیمتی سامان کے جلنے سے بڑے پیمانے پر مالی نقصان ہوا۔
معاملے کی مزید انکوائری کے لیے ایم ایس ساہیوال ٹیچنگ ہسپتال کی سربراہی میں ایک کمیٹی تشکیل دی گئی ہے، جو آتشزدگی کے حالیہ حادثے کی ممکنہ وجو ہات اور ذمہ داران کا تعین کرے گی۔