اسلام آباد یونائیٹڈ کا لاہور قلندرز کو جیتنے کیلئے 144 رنز کا ٹارگٹ

تفصیلات کے مطابق   اسلام آباد یونائیٹڈ کی ٹیم 20 اوورز میں  9 وکٹوں پر 143 رنز بنا سکی۔اسلام آباد یونائیٹڈ کی طرف سے فہیم اشرف 27  رنز بنا کر نمایاں رہے ہیں ۔

لاہور قلندرز کی جانب سے  جیمز فالکنر نے سب سے زیادہ 3 وکٹیں لیں ہیں ، جبکہ  حارث رؤف اور احمد دانیال نے 2،2 شکار کیے۔لاہور قلندرز نے  اسلام آباد یونائیٹڈ کے خلاف ٹاس جیت کر باؤلنگ کا فیصلہ کیا تھا۔

خیال رہے کہ  آج کا میچ جیتنے والی ٹیم پوائنٹس ٹیبل پر پہلی پوزیشن حاصل کرلے گی۔

اس سے قبل پاکستان سپر لیگ 6 کے ملتوی ہونے سے پہلے کراچی میں 14 میچز کھیلے گئے تھے۔جس میں اسلام آباد یونائیٹڈ اور لاہور قلندرز نے چار چار جبکہ کراچی کنگز،پشاور زلمی،ملتان سلطانز اور کوئٹہ گلیڈی ایٹرز نے پانچ پانچ میچ کھیل لئے تھے۔

پاکستان سپر لیگ 6 کے پوائنٹس ٹیبل پر کراچی کنگز پہلے، پشاور زلمی دوسرے، اسلام آباد یونائیٹڈ تیسرے، لاہور قلندرز چوتھے، ملتان سلطانز پانچویں اور کوئٹہ گلیڈی ایٹرز چھٹے نمبر پر موجود ہے۔

واضح رہے کہ پاکستان سپر لیگ 6 کا 14واں میچ کوئٹہ گلیڈی ایٹرز اور ملتان سلطانزکے درمیان کراچی میں 3 مارچ کو کھیلا گیا تھا جس میں کوئٹہ گلیڈی ایٹرز نے ایونٹ میں پہلی کامیابی حاصل کی تھی جس کے بعد کچھ کھلاڑیوں کے کورونا ٹیسٹ مثبت آنے کے بعد لیگ کو ملتوی کردیا گیا تھا۔