پاکستان
بابوسر ٹاپ سیاحوں کےلئے 6 ماہ بعد کھول دیا گیا
بابوسر ٹاپ پاکستان کے شمالی علاقوں کے دلکش مناظر میں گھرا ہوا ہے، ہر سال ہزاروں سیاحوں کو اپنی بے مثال خوبصورتی اور مہم جوئی کے مواقع کے ساتھ اپنی طرف متوجہ کیے ہوئے ہے
![بابوسر ٹاپ سیاحوں کےلئے 6 ماہ بعد کھول دیا گیا](/media/108321/conversions/_121084380_whatsappimage2021-10-14at16.35.02.jpg-1280x720.jpg)
مشہور سیاحتی مقامات ناران اور بابوسر ٹاپ کو ملانے والی سڑک 6 ماہ کی بندش کے بعد ہر قسم کی ٹریفک کے لیے کھول دی گئی ہے۔
حکومت نے پولیس اور مقامی رضاکاروں کو ہدایت کی ہے کہ سیاحوں کی رہنمائی، حفاظت اور سہولت کے لیے ہر وقت موجود رہیں۔
واضح رہے کہ ناران اور بابوسرکو ملانے والی شاہراہ ہر سال شدید برف باری کی وجہ سےکئی کئی ماہ کیلئے بند رہتی تھی جس کو تقریبا 6ماہ کی بندش کے بعد ہر قسم کی ٹریفک کے لیے دوبارہ کھول دیا گیا۔
دور دراز سے آئے سیاح بابو سر ٹاپ پر نصب زپ لائن اور دیگر ایڈونچر سے بھرپورلطف اندوزہوتے ہیں اور مقامی کھانوں کا بھی مزہ لیتے ہیں ۔
بابوسر ٹاپ پاکستان کے شمالی علاقوں کے دلکش مناظر میں گھرا ہوا ہے، ہر سال ہزاروں سیاحوں کو اپنی بے مثال خوبصورتی اور مہم جوئی کے مواقع کے ساتھ اپنی طرف متوجہ کیے ہوئے ہے۔
ناران، ایک دلکش شہر، شاندار وادی کاغان کے لیے ایک گیٹ وے کے طور پر کام کرتا ہے، جو سیر کرنے والوں اور فطرت کے شائقین کے لیے پُرسکون جھیلوں، سرسبز میدانوں اور بلند و بالا چوٹیاں پیش کرتا ہے۔
اگرآپ لوڈشیڈنگ اور گرمی سے پریشان ہیں اور کسی ٹھنڈے مقام پر اپنے کچھ لمحات گزارنا چاہتے ہیں تو بابو سر ٹاپ سے بہتر کوئی جگہ نہیں۔ ایک بلند پہاڑی درہ، برف سے ڈھکی چوٹیوں اور ہری بھری وادیوں کے حیرت انگیز نظارے فراہم کرتا ہے، جو گھومتی ہوئی سڑکوں کے ساتھ ایک سنسنی خیز سفر کے ذریعے قابل رسائی ہے۔
پاکستان
کسی صورت خیبر پختونخواہ میں آپریشن نہیں ہونے دیں گے ، علی امین گنڈا پور
علی امین گنڈا پور کا کہنا تھا کہ ہمارے فیصلے ہم خود کریں گے کوئی دوسرا نہیں، شرپسندوں کےخلاف کارروائی ہماری پولیس کرے گی
![کسی صورت خیبر پختونخواہ میں آپریشن نہیں ہونے دیں گے ، علی امین گنڈا پور](/media/112868/conversions/203542_1769684_updates-1280x720.jpg)
وزیر اعلیٰ خیبرپختونخوا علی امین گنڈا پور نے کہا ہے کہ امریکا کےغلاموں نے پختونوں پر غلط پالیسیاں تھوپیں، حکمرانوں کے تجربات سے ہمارا نقصان ہوا ہے۔ اپنے فیصلے خود کریں گے، حق مانگنے کے بجائے چھین لیں گے۔
بنوں میں امن مارچ کے شرکاء سے خطاب میں علی امین نے کہا کہ خیبرپختونخوامیں آپریشن نہیں ہونے دیں گے، ماضی میں آپریشن کی وجہ سے ہم خانہ بدوش بنے۔انہوں نے کہا کہ پاکستان کو آزاد کروانے میں پختونوں نے اہم کردارادا کیا، 65ء کی جنگ میں بھی پختونوں کا کرداراہم تھا، ہم نے ملک کے ساتھ تن، من، دھن سے وفاداری کی۔ قربانی دینا ہمارے خون میں ہے، ملک کیلئےہم قربانی دیں گے۔
ان کا کہنا تھا کہ ہمارے فیصلے ہم خود کریں گے کوئی دوسرا نہیں، شرپسندوں کےخلاف کارروائی ہماری پولیس کرے گی۔
تجارت
نئے مالی سال کے پہلے ماہ ملک میں مہنگائی کی شرح میں اضافے کا رجحان برقرار
حالیہ ہفتے ملک میں مہنگائی کی شرح میں 0.17فیصداضافہ ہوا اور 19 اشیا کی قیمتیں بڑھ گئیں
![نئے مالی سال کے پہلے ماہ ملک میں مہنگائی کی شرح میں اضافے کا رجحان برقرار](/media/112861/conversions/373407_4480653_updates-1280x720.jpg)
نئے مالی سال کے پہلے ماہ ملک میں مہنگائی کی شرح میں اضافے کا رجحان برقرار ہے، حالیہ ہفتے ملک میں مہنگائی کی شرح میں 0.17فیصداضافہ ہوا اور 19 اشیا کی قیمتیں بڑھ گئیں۔
وفاقی ادارہ شماریات کی جانب سے جاری کردہ مہنگائی کی ہفتہ وار رپورٹ کے مطابق حالیہ ہفتے مہنگائی کی شرح میں 0.17فیصداضافہ ہوا، ایک ہفتے کےد وران 19 اشیا کی قیمتیں بڑھ گئیں، 8 اشیا کی قیمتوں میں کمی آئی جبکہ 24 اشیا کے نرخ مستحکم رہے۔
رپورٹ کے مطابق رواں ہفتے چکن کی قیمت میں 4.80 فیصد، لہسن 2.01 فیصد، دال چنا 1.87 فیصد، انڈے1.71 فیصد ،بیف کی قیمت میں 0.93 فیصد اور گڑ کی قیمتوں میں 0.89فیصد اضافہ ہوا۔اسی طرح دال مونگ کی قیمت میں 0.84فیصد،تازہ کھلا دودھ 0.45فیصد،آگ جلانے والی لکڑی 0.23 فیصداورسگریٹ کی قیمتوں میں 0.12فیصداضافہ ہوا۔
دوسری جانب آلو کی قیمت میں 0.17 فیصد، ٹماٹرکی قیمت میں 9.19 فیصد،پیاز2.14 ایل پی جی1.04 فیصد، کیلے 0.53 فیصد، دال مسورقیمت میں 0.16 فیصد، بریڈ کی قیمت میں 0.05 فیصد اور آٹے کی قیمت میں 0.35 فیصد کمی ہوئی ہے۔
اعدادوشمار میں بتایا گیا ہے کہ حالیہ ہفتے کے دوران حساس قیمتوں کے اشاریہ کے لحاظ سے سالانہ بنیادوں پر 17 ہزار 732روپے ماہانہ تک آمدنی رکھنے والے طبقے کیلیے مہنگائی کی شرح0.08فیصد اضافے کے ساتھ41.13فیصد، 17 ہزار 733روپے سے 22 ہزار 888روپے ماہانہ تک آمدنی رکھنے والے طبقے کیلیے مہنگائی کی شرح 0.13 فیصداضافے کے ساتھ18.53فیصد ہوگئی۔
22 ہزار 889روپے سے 29 ہزار 517 روپے ماہانہ تک آمدنی رکھنے والے طبقے کیلیے مہنگائی کی شرح0.15 فیصداضافے کے ساتھ 22.23 فیصد اور 29 ہزار 518روپے سے 44ہزار 175 روپے ماہانہ تک آمدنی رکھنے والے طبقے کیلیے مہنگائی کی شرح0.18 فیصداضافے کے ساتھ 19.77فیصد رہی۔
اسی طرح 44 ہزار 176روپے ماہانہ سے زائد آمدنی رکھنے والے طبقے کیلیے مہنگائی کی شرح0.19 فیصداضافے کے ساتھ 18.41فیصدرہی۔
ٹیکنالوجی
ایلون مسک کی دولت میں ایک دن میں 16 ارب ڈالرز کی ریکارڈ کمی
ایلون مسک کی دولت میں 16 ارب ڈالرز کی کمی کے باوجود وہ اب بھی 232 ارب ڈالرز کے اثاثوں کے ساتھ دنیا کے امیر ترین شخص ہونے کا اعزاز برقرار رکھے ہوئے ہیں
![ایلون مسک کی دولت میں ایک دن میں 16 ارب ڈالرز کی ریکارڈ کمی](/media/112865/conversions/373258_9620223_updates-1280x720.jpg)
ٹیسلا ، اسپیس ایکس کے بانی اور ایکس(سابقہ ٹوئیٹر) کے مالک دنیا کے امیرترین شخص ایلون مسک کی دولت میں ایک دن میں 16 ارب ڈالرز کی کمی واقع ہوگئی۔
بین الاقوامی خبررساں ادارے کے مطابق ایلون مسک کی دولت میں کمی کی وجہ ان کی کمپنی ٹیسلا کے حصص کی قیمتوں میں کمی آنا ہے۔ وہ اس کمپنی کے 21 فیصد حصص کے مالک ہیں۔
ایلون مسک کی دولت میں 16 ارب ڈالرز کی کمی کے باوجود وہ اب بھی 232 ارب ڈالرز کے اثاثوں کے ساتھ دنیا کے امیر ترین شخص ہونے کا اعزاز برقرار رکھے ہوئے ہیں۔
دوسرے نمبر پر جیف بیزوس ہیں جو 204 ارب ڈالرز کے مالک ہیں۔فرانس کے برنارڈ 187 ارب ڈالرز کے ساتھ تیسرے نمبر پر ہیں۔
فیس بک کے مالک مارک زکربرگ 165 ارب ڈالرز کے ساتھ چوتھے اور مائیکروسافٹ کے بانی بل گیٹس 157 ارب ڈالرز کے ساتھ پانچویں امیر ترین شخص ہیں۔
-
علاقائی 2 دن پہلے
سندھ میں اسکولز کے بعد کالجز کی تعطیلات میں بھی اضافہ
-
تجارت ایک دن پہلے
ملک میں سونے کی قیمت میں ہزاروں روپے کی کمی
-
ٹیکنالوجی 16 گھنٹے پہلے
الیکٹرک گاڑیوں کا مستقبل خطرے میں؟
-
علاقائی 2 دن پہلے
کوئٹہ : تربت میں زلزلے کے جھٹکے
-
پاکستان 2 دن پہلے
26 جولائی کو مہنگائی کے خلاف اسلام آباد میں دھرنا دیں گے ، نائب امیر جماعت اسلامی
-
تجارت ایک دن پہلے
بجلی کے بلوں میں 2 روپے 63 پیسے فی یونٹ اضافے کا امکان
-
جرم 2 دن پہلے
جعلی دستاویزات پر برطانیہ بھیجنے کے الزام میں 2 ملزمان گرفتار
-
پاکستان ایک دن پہلے
9 مئی ،عمران خان کا 12 مقدمات میں جسمانی ریمانڈ کالعدم قرار