صدر مملکت آصف علی زرداری سے وزیر اعظم شہباز شریف کی ملاقات

صدر مملکت آصف علی زرداری سے وزیراعظم محمد شہباز شریف نے ملاقات کی جس میں ملک کی مجموعی معاشی اور مالی صورتحال پر گفتگو کی گئی۔ملاقات میں آئندہ بجٹ میں عوام کو ریلیف فراہم کرنے کے حوالے سے تجاویز پر تبادلہ خیال کیا گیا۔

 وزیراعظم نے منگل کو ایوان صدر میں ملاقات کی۔ملاقات میں وفاقی وزیرِمنصوبہ بندی و خصوصی اقدامات پروفیسر احسن اقبال بھی موجود تھے۔ صدر مملکت آصف علی زرداری نے کہا کہ بجٹ میں غریب اور متوسط طبقات کا خاص خیال رکھیں۔

صدر مملکت اور وزیراعظم نے آئندہ بجٹ میں ترقیاتی منصوبوں پر بات کی ۔وزیراعظم شہباز شریف نے صدر مملکت کو حالیہ دورہ چین کے بارے میں بھی آگاہ کیا۔مصدر مملکت نے وزیراعظم کو ملکی ترقی اور معاشی اہداف کے حصول میں تعاون کی یقین دہانی کرائی ۔