عیدالاضحیٰ کے دوسرے روز بھی سنت ابراہیمی مذہبی عقیدت و احترام سے ادا کی جا رہی ہے

عیدالاضحیٰ کے دوسرے روز بھی سنت ابراہیمی مذہبی عقیدت و احترام سے ادا کی جا رہی ہے۔

لاہور، اسلام آباد، کراچی ، پشاور سمیت ملک کے مختلف مقامات پر عید کے دوسرے روز بھی صبح سے ہی سنت ابراہیمی کی پیروی کرتے ہوئے جانور قربان کئے جا رہے ہیں جبکہ قصابوں نے نخرے دکھانے کا سلسلہ بھی جاری ہے، جانور قربان کرنے کیلئے منہ مانگے دام وصول کرنے لگے۔

یاد رہے کہ علاوہ ازیں قربانی کے بعد کہیں آلائشیں بروقت اٹھائی جا رہی ہیں تو کہیں رہائشی علاقوں اور سڑکوں پر آلائشیں پڑے رہنے کے باعث تعفن پیدا ہونے سے لوگوں کی مشکلات بھی بڑھ رہی ہیں۔

ادھر عید کے موقع پر تفریح گاہوں اور سیاحتی مقامات پر بھی عوام کا رش لگ گیا، شہریوں کی بڑی تعداد نے مری، گلیات اور شمالی علاقوں کا رخ کر لیا ہے۔