30 اگست تک کچھ نہ کچھ ہو کررہے گا، شیخ رشید کی پیشگوئی

سربراہ عوامی مسلم لیگ شیخ رشید نے کہا ہے کہ سارا ووٹ بینک بانی پی ٹی آئی عمران خان کا ہے لیکن عمران خان کب رہا ہوں گے، ابھی اتنی جلدی وہ حالات نہیں۔

نجی ٹی وی سے گفتگو کرتے ہوئے شیخ رشید نے کہا ہے کہ الیکشن ٹریبونل کا کیس بہت اہم ہے، بہت کچھ اوپر نیچے ہو جائے گا اور کہہ چکا ہوں کہ 30 اگست تک کچھ نہ کچھ ہو کر رہے گا۔

سابق وزیر داخلہ نے کہا ہے کہ بانی پی ٹی آئی عمران خان کی رہائی کے ابھی حالات نہیں ہیں۔

سربراہ عوامی مسلم لیگ شیخ رشید کا مزید کہنا تھا کہ میں نے 2 اونٹوں کی قربانی دی، لوگوں سے عید ملا اور نیشنل پریس کلب میں کھانا کھایا۔