بجٹ کے بعد مہنگائی کی شرح میں مزید اضافہ

بجٹ کے بعد ملک میں مہنگائی مزید بڑھ گئی،ہفتہ وار بنیادوں پرمہنگائی کی شرح میں 0.94فیصد کا مزید اضافہ ہوا.

ادارہ شماریات نے ہفتہ وار رپورٹ کے مطابق ملک میں مہنگائِی کی مجموعی سالانہ شرح 23.78 فیصد ہوگئی، ایک ہفتے میں 25 اشیاء کی قیمتوں میں اضافہ ہوا، حالیہ ہفتے ٹماٹر 63 روپے اضافے سے 159 روپے 44 پیسے فی کلو ہوگیا،آلو 5 روپے، پیاز4 روپے 81 پیسے فی کلو مہنگےہوئے، کیلے 5روپے25 پیسےفی درجن، دال مونگ 4 روپے 74 پیسے فی کلومہنگی ہوئی،لہسن 6 روپے 11 پیسے فی کلو، انڈے 2 روپے 5 پیسے فی درجن مہنگے ہوئے۔

  ادارہ شماریات کی رپورٹ کے مطابق دال چنا 2 روپے 18 پیسے فی کلو، تازہ دودھ ایک روپے 78پیسے فی لٹر مہنگا ہوا، چینی، دال ماش ، آٹا، بیف کی قیمتوں میں بھی اضافہ ہوا ، حالیہ ہفتے باسمتی چاول، زندہ مرغی، دال مسور  پٹرول, ڈیزل سستاہوا،ایک ہفتےمیں 21 اشیاء کی قیمتوں میں استحکام رہا۔

اس کے برعکس 25 اشیاء کی قیمتوں میں معمولی اضافہ ہوا، گزشتہ ہفتہ کے دوران پیٹرول کی قیمت میں 3.76 فیصد، ڈیزل 0.84 فیصد، باسمتی چاور0.08 فیصد، دال مسور0.08 فیصد اورچکن کی قیمت میں 0.05 فیصدکی کمی ریکارڈکی گئی،

اس کے برعکس ٹماٹرکی قیمت میں 65.84 فیصد، آلو5.61 فیصد، پیاز3.78 فیصد، کیلا3.29 فیصد، ایل پی جی 2.44 فیصد، سگریٹ 1.67 فیصد، دال مونگ 1.53 فیصد، لہسن 1.29 فیصد، تازہ دودھ 0.95 فیصد، انڈے 0.83 فیصد، جارجٹ 0.28 فیصد اورشرٹنگ کی قیمت میں 0.17 فیصدکااضافہ ہوا،