روس کا فضائی حملہ، یوکرین کا توانائی انفرا اسٹرکچر تباہ، 3 افراد ہلاک

روس نے ایک بڑا فضائی حملہ کر کے یوکرین کا توانائی کا انفرا اسٹرکچر تباہ کردیا۔حملے کے نتیجے میں 3 افراد ہلاک ہو گئے۔

غیر ملکی میڈیا رپورٹس کے مطابق یوکرینی حکام نے کہا کہ روسی فوج نے یوکرین کے شہر خارکیف میں گائیڈڈ بموں سے حملہ کیا، حملے میں رہائشی عمارت کو نشانہ بنایا گیا۔

رپورٹس کے مطابق روسی فوجیوں نے ایک اور حملے میں پاور گرڈ کو نشانہ بنایا جس سے توانائی کی تنصیبات تباہ ہو گئیں۔

حکام نے بتایا کہ حملے کے بعد جنوبی مغربی علاقے میں مکمل بلیک آؤٹ ہے جب کہ یوکرین کے صدر ولادیمیر زیلنسکی نے اتحادیوں سے مدد کرنے کی اپیل کردی۔

رپورٹ کے مطابق  2 سال میں روسی حملوں سے یوکرین کا توانائی سیکٹر بالکل تباہ ہوچکا ہے۔ یوکرین میں بلیک آؤٹ ہے اور چیزوں کی فراہمی معطل ہے۔