تجارت
حکومت کا یکم جولائی سے گیس کی قیمتوں میں کمی نہ کرنے کا فیصلہ
حکومت یکم جولائی 2024 سے کیپٹیو پاور پلانٹس کی گیس کی قیمتوں میں 250 روپے فی ایم ایم بی ٹی یو اضافہ کرے گی
حکومت نے آئندہ سال کے بجٹ میں گیس کی قیمتوں میں 10 فیصد کمی کے فیصلے کی موجودگی میں یکم جولائی سے گیس کی قیمتوں میں کمی نہ کرنے کا فیصلہ کر لیا ہے۔
حکومت نے اس کے بجائے آئی ایم ایف کے حکم کے مطابق بلکہ اس نے کیپٹیو پاور پلانٹس (سی پی پیز) کے لیے گیس کی قیمت فی ایم ایم بی ٹی یو 250 روپے تک بڑھاکر فی ایم ایم بی ٹی یو کی موجودہ قیمت 2750 روپے سے بڑھا کر 3000 روپے فی ایم ایم بی ٹی یو کرنے کا فیصلہ کیا ہے۔
حکومت یکم جولائی 2024 سے کیپٹیو پاور پلانٹس کی گیس کی قیمتوں میں 250 روپے فی ایم ایم بی ٹی یو اضافہ کرے گی اور 700 روپے فی ایم ایم بی ٹی یو کا بقیہ اضافہ یکم جنوری 2025 سے لاگو کیا جائے گا۔
وزارت توانائی کے سینئر حکام کا کہنا ہے کہ حکومت نے سی پی پیز کے علاوہ دیگر تمام کیٹیگریز کے لیے گیس کی قیمتیں موجودہ سطح پر برقرار رکھنے کا فیصلہ کیا ہے اور اس طرح حکومت کو اگلے مالی سال کے لیے مطلوبہ محصولات کی ضروریات کو پورا کرنے کے بعد 110-115 ارب روپے اضافی محصول کے طور پر متوقع ہے۔
پاکستان
بین الاقوامی فضائی سفرکیلئےٹکٹوں پر ٹیکسز میں ہوشربا اضافہ
بین الاقوامی سفرکیلئےاکانومی اوراکانومی پلس ٹکٹ پر12 ہزار 500روپےٹیکس دینا ہو گا
بین الاقوامی فضائی سفرکیلئےٹکٹوں پرٹیکسزکی شرح میں اضافےکی شق منظورکرلی گئی۔
بین الاقوامی سفرکیلئےاکانومی اوراکانومی پلس ٹکٹ پر12 ہزار 500روپےٹیکس دینا ہو گا جبکہ امریکا اور کینیڈا کیلئے بزنس کلاس اورکلب کلاس ٹکٹ پرٹیکس میں ایک لاکھ روپےتک اضافہ کیا گیا ہے۔
جبکہ یورپ کیلئے یکم جولائی سےبزنس کلاس اورکلب کلاس کے ٹکٹ پر 60 ہزار روپے اضافی ٹیکس عائد کیا گیا ہے۔یورپ کے فضائی سفر کیلئے بزنس، فرسٹ اور کلب کلاس پر 2 لاکھ 10 ہزار روپے ٹیکس دینا ہوگا۔
نیوزی لینڈ، آسٹریلیا کے یکم جولائی سے بزنس کلاس اورکلب کلاس کے ٹکٹ پر60 ہزار اضافی ٹیکس ہوگا دبئی، سعودیہ سمیت مڈل ایسٹ اور افریقی ممالک کے بزنس اورکلب کلاس ٹکٹس میں30 ہزار روپے کا اضافہ ہوگیا۔
علاقائی
پنجاب اسمبلی میں اپوزیشن کی ہنگامہ آرائی کے باعث ضمنی بجٹ کی منظوری نہ ہوسکی
اسپیکر پنجاب اسمبلی نے اپوزیشن کی ہنگامہ آرائی کے باعث ضمنی بجٹ کی منظوری کا عمل موخر کردیا
پنجاب اسمبلی میں اپوزیشن کے شور شرابے اور ہنگامہ آرائی کے باعث ضمنی بجٹ کی منظوری نہ ہوسکی۔
پنجاب اسمبلی میں وزیراعلیٰ پنجاب مریم نواز کی تقریر کے دوران اپوزیشن اراکین نے شور شرابا کیا اور شدید نعرے بازی کی جب کہ ضمنی بجٹ کی منظوری کے موقع پر بھی اپوزیشن اراکین نے ہنگامہ آرائی کی۔
اسپیکر پنجاب اسمبلی نے اپوزیشن کی ہنگامہ آرائی کے باعث ضمنی بجٹ کی منظوری کا عمل موخر کردیا اور کہا کہ میں نے ہاؤس کو بہتر انداز سے چلانے کی کوشش کی، آئندہ ہاؤس کو ان آرڈر چلانے کے لیے اپنا آئینی اختیار استعمال کروں گا۔ اسپیکر ملک محمد احمد خان نے پنجاب اسمبلی کا اجلاس کل دوپہر 2 بجے تک ملتوی کردیا۔
وزیراطلاعات پنجاب عظمیٰ بخاری نے میڈیا سے گفتگو کرتے ہوئے کہا کہ ہم بھی اپوزیشن میں رہے لیکن ان جیسی بدتمیزی نہیں کی، ہمارے ساتھ یہ جتنا برا سلوک کرسکتے، انہوں نے کیا، وزیراعلیٰ کے خطاب کے دوران جو کچھ ہوا قابل افسوس ہے۔
انہوں نے کہا کہ اپوزیشن کو تمام مراعات دی جارہی ہیں، ہم نے بے ضرر وزیراعلیٰ بزدار کے دور میں بھی بدتمیزی نہیں کی، اپوزیشن جیسا کرے گی اب ان کو ویسا ہی جواب دیا جائےگا، فیصلہ کیا ہے آئندہ اپوزیشن رکن کی تقریر نہیں سنی جائے گی۔
پاکستان
اپنی مرضی سے استعفیٰ دیا ، واپس نہیں لوں گا ، عمر ایوب
پی ٹی آئی کے جنرل سیکرٹری عمرایوب اپنے جنرل سیکرٹری کے عہدے سے استعفٰی دینے کے فیصلے پر تاحال قائم ہیں
اسلام آباد : پی ٹی آئی اور سنی اتحاد کونسل کی پارلیمانی کمیٹی کا اجلاس ہوا جس میں سیاسی حوالے سے مشاورت کی گئی ۔
پی ٹی آئی کے جنرل سیکرٹری عمرایوب اپنے جنرل سیکرٹری کے عہدے سے استعفٰی دینے کے فیصلے پر تاحال قائم ہیں ۔
انہوں نے کہا کہ مجھے کوئی پارٹی سے نہیں نکال رہا اور نہ مجھ پر کیس قسم کا کوئی پریشر ہے میں اپنی مرضی سے اس عہدے سے مستعفی ہو رہا ہوں ، انہوں نے کہا کہ میری مصروفیات کافی زیادہ ہیں اسی لیے میں خود کو اس عہدے کے اہل نہیں سمجھتا ہوں ۔
پی ٹی آئی اور سنی اتحاد کونسل کی پارلیمانی پارٹی کا مشترکہ اجلاس#GNN #BreakingNews #NewsUpdates #GNN_Updates pic.twitter.com/HS38MElZOF
— GNN (@gnnhdofficial) June 28, 2024
انہوں نے کہا کہ پارٹی کی مشاورت اور اتفاق رائے سے کسی اور نام پر اتفاق کیا جائے ۔
-
دنیا 6 گھنٹے پہلے
مالدیپ کے صدر پر کالا جادو کرنے کے الزام میں ایک خاتون سمیت دو وزراء گرفتار
-
پاکستان ایک دن پہلے
عدت نکاح کیس، بانی چیئرمین پی ٹی آئی اور بشریٰ بی بی کی سزا معطلی کی اپیلیں مسترد
-
تجارت 2 دن پہلے
سونے کی فی تولہ قیمت میں مسلسل دوسرے روز بھی کمی
-
تجارت 18 گھنٹے پہلے
پیٹرولیم مصنو عات کی قیمتوں میں اضافے کا امکان
-
دنیا 2 دن پہلے
وکی لیکس کے بانی جولین اسانج کی امریکہ داخلہ پر پابندی
-
دنیا 2 دن پہلے
کینیڈا کے وزیراعظم جسٹن ٹروڈو کو ضمنی الیکشن میں بڑا دھچکا
-
علاقائی 2 گھنٹے پہلے
صوفی بزرگ عبداللہ شاہ غازی کے سالانہ عرس پر کل کراچی میں تعطیل کا اعلان
-
پاکستان 2 گھنٹے پہلے
اپنی مرضی سے استعفیٰ دیا ، واپس نہیں لوں گا ، عمر ایوب