8 فروری کے الیکشن پر ہماری درخواست سپریم کورٹ میں مقرر نہیں ہورہی، رؤف حسن

پاکستان تحریک انصاف (پی ٹی آئی) کے رہنما رؤف حسن نے کہا ہے کہ 8 فروری کے الیکشن پر ہماری درخواست سپریم کورٹ میں مقرر نہیں ہورہی۔

اسلام آباد میں پریس کانفرنس کرتے ہوئے رؤف حسن نے کہا کہ پاکستان میں جو الیکشن ہوئے اس سے پہلے ایک ماحول بنایا گیا، ہمارے امیدواروں کو تنگ کیا گیا گرفتار کیا گیا حبس بے جا میں رکھا گیا، الیکشن کمشنر کا کنڈکٹ پہلے دن سے ہی مشکوک رہا۔ چیف جسٹس نے کہا الیکشن کمیشن ایک قومی ادارہ یے اس کی عزت کی جائے، کیا چیف الیکشن کمشنر کا کنڈکٹ ایسا ہے کہ اس ادارے کی عزت کی جائے۔

پی ٹی آئی رہنما نے مزید کہا کہ ہماری پٹیشن 4 ماہ گزرنے کے باوجود ابھی تک سماعت کے لیے مقرر نہیں ہوئی، جسٹس اطہر من اللّٰہ نے ہماری پٹیشن کا ذکر بھی کیا جو بنیادی حقوق سے متعلق ہے۔ 8 فروری کے الیکشن میں دھاندلی ہوئی، فافن، پتن، کامن ویلتھ، یورپی یونین، یو ایس کانگریس کی رپورٹس پڑھی ہونگی سب ایک بات کہ رہے 8 فروری کو پاکستان کی تاریخ کا سب سے بڑا الیکشن فراڈ ہوا

انہوں نے کہا کہ چیف جسٹس ہمیں کہتے اس کی عزت کریں کس طرح عزت کریں، کیا وہ عزت کے قابل ہے یہ جو چیف جسٹس ہمیں کہہ رہے چوروں کی عزت کریں ان کو خیال آیا کہ راولپنڈی کا کمشنر کہاں ہے کبھی کسی سے پوچھا کہ اس کو کہاں کس حال میں رکھا ہوا ہے۔ 

رؤف حسن نے مزید کہا کہ ہماری نشانات الاٹ کرنے کی پٹیشن نہیں لگی اور نہ ہی لیول پلیئنگ فیلڈ پر کوئی شنوائی نہیں ہوئی، میرا سوال ہے چیف جسٹس سے کہ بتایا جائے کس آئین میں لکھا ہے کہ پٹیشن نیچے رکھ کر بیٹھ جائیں اور غیر ضروری مرضی کی پٹیشن لگائیں۔

سیکرٹری اطلاعات پی ٹی آئی کا کہنا تھا کہ احسن اقبال نے کہا کہ عوام کی خواہش ہے کہ عمران خان کو پانچ سال جیل میں رکھا جائے کل رانا ثنا اللہ نے کہا کہ ہماری پوری کوشش ہوگی جتنی زیادہ دیر عمران خان کو جیل میں رکھ سکتے ہیں، رکھیں گے، کیا چیف جسٹس کو یہ سنائی دیا کہ رانا ثنا اللہ کہہ رہا ہم جائز یا ناجائز ہر طرح کی کوشش کریں گے عمران خان کو جیل میں رکھا جائے کیا اس طرح کی مجرمانہ بیان پر کوئی نوٹس لیا۔