کھیل
ٹی 20 ورلڈ کپ: جنوبی افریقہ افغانستان کو ہرا کر پہلی بار فائنل میں پہنچ گیا
میگا ایونٹ کے فائنل میں جنوبی افریقہ کا سامنا کس سے ہوگا اس کا فیصلہ آج بھارت اور انگلینڈ کے میچ سے ہوجائے گا
![ٹی 20 ورلڈ کپ: جنوبی افریقہ افغانستان کو ہرا کر پہلی بار فائنل میں پہنچ گیا](/media/109921/conversions/SouthAfrica-1280x720.jpg)
آئی سی سی ٹی 20کرکٹ ورلڈ کے فائنل کیلئے جنوبی افریقی ٹیم نے افغانستان کو شکست دے کر کوالیفائی کرلیا ہے۔
ٹرینیڈاڈ اینڈ ٹوباگو کے برائن لارا اسٹیڈیم میں کھیلے گئے میچ میں افغانستان نے ٹاس جیت کر پہلے بیٹنگ کرنے کا فیصلہ کیا اور صرف 11.5اوورز میں یعنیٰ 71 گیندوں کا سامنا کرتے ہوئے 56 رنز پر آل آؤٹ ہوگئی۔
جنوبی افریقی ٹیم نے ہدف کے تعاقب میں صرف ایک وکٹ کے نقصان پر 53 ویں گیند پر یعنیٰ 8.5 اوور میں 9 وکٹوں سے افغانستان کو شکست دے کر میگا ایونٹ کے فائنل کا ٹکٹ کنفرم کرلیا۔
افغانستان کی جانب سے صرف عظمت اللہ نے 10 رنز بنائے ان کے علاوہ کوئی بھی کھلاڑی ڈبل فیگر میں داخل ہی نہ ہوسکا۔ جنوبی افریقہ کی جانب سے مارکو جانسن اور تبریز شمسی نے تین تین کھلاڑیوں کو آؤٹ کیا جبکہ انرچ اور گیسو ربادا نے 2، 2 وکٹ اپنے نام کی۔
ہدف کے تعاقب میں جنوبی افریقی ٹیم کے اوپننگ بیٹر ڈی کاک 5 رنز کے ساتھ فضل الحق فاروقی کا شکار ثابت ہوئے جبکہ ریضا ہیڈرکس 29اور کپتان مارکرم 23 رنز کے ساتھ ناقابل شکست رہے۔
میگا ایونٹ کے فائنل میں جنوبی افریقہ کا سامنا کس سے ہوگا اس کا فیصلہ آج بھارت اور انگلینڈ کے میچ سے ہوجائے گا۔
تفریح
معروف پاکستانی اداکارہ ماہرہ خان کی اٹلی میں دلکش تصا ویر وائرل
اٹلی کے لاما مونا چائل نامی ساحلی مقام پر لی گئی تصاویر میں اداکارہ پر فضا مقام سے لطف اندوز ہوتی دکھائی دے رہی ہیں
![معروف پاکستانی اداکارہ ماہرہ خان کی اٹلی میں دلکش تصا ویر وائرل](/media/110276/conversions/d1550626-9184-4a22-a81c-42b3ce1cb622-1280x720.jpg)
View this post on Instagram
پاکستان
مولانا فضل الرحمان کا ملک میں دوبارہ آزادانہ اور منصفانہ انتخابات کا مطالبہ
حکومت میں اتنا دم خم نہیں کہ وہ ہماری اور تمام سیاسی جماعتوں کے تحفظات دور کرسکے، سربراہ جمیعت علماء اسلام ف
![مولانا فضل الرحمان کا ملک میں دوبارہ آزادانہ اور منصفانہ انتخابات کا مطالبہ](/media/110265/conversions/Capture-1280x720.jpg)
جے یو آئی (ف) کے سربراہ مولانا فضل الرحمان نے ملک میں دوباہ آزادانہ اور منصفانہ انتخابات کا مطالبہ کرتے ہوئے کہا ہے کہ 8 فروری کے انتخابات کے نتائج قابل قبول نہیں۔اسٹیبلشمنٹ انتخابات میں مداخلت سے باز رہے، پی ٹی آئی کے بارے میں ہمارے تحفظات سنگین نوعیت کے ہیں۔ اگر وہ ہم سے مذاکرات کرنا چاہتے ہیں تو ہم ان کا خیرمقدم کرتے ہیں لیکن ہم نے ان سے پہلے واضح کر دیا تھا کہ مذاکرات کے لیے مناسب ماحول کو یقینی بنایا جانا چاہیے تاہم انہوں نے کہا کہ بدقسمتی سے پی ٹی آئی کی قیادت نے معاملات پر توجہ نہیں دی۔
اسلام آباد میں جمعیت علمائے اسلام کی مرکزی شوریٰ کے دو روزہ اجلاس کے اختتام پر پریس کانفرنس میں مولانا فضل الرحمان نے کہا کہ مجلسِ شوریٰ کے گزشتہ اجلاس میں 8 فروری کے انتخابات کے نتائج مسترد کردیے گئے تھے اور شوری نے بھی عاملہ کے فیصلے کی توثیق کی ہے۔ انتخابات میں اسٹیبلشمنٹ کی مداخلت کے خلاف تحریک آگے بڑھائیں گے، غیر جانب دارانہ، صاف شفاف انتخابات منعقد کروائے جائیں، انتخابات کے عمل میں افواج اور خفیہ ادارے مداخلت نہ کریں۔
ان کا کہنا تھا کہ حکومت سے ہوئے رابطوں کے بارے میں شوری نے طے کیا ہے کہ حکومت میں اتنا دم خم نہیں کہ وہ ہماری اور تمام سیاسی جماعتوں کے تحفظات دور کرسکے، جب تک اصولی اتفاق نہیں ہوجاتا منانے اور راضی کرنے کے کیا معنی ہیں۔ جمعیت علمائے اسلام کی مجلس شوریٰ نے سیاسی جماعتوں کے ساتھ رابطوں کا جائزہ لیا ہے۔
ان کا کہنا تھا کہ جمعیت علمائے اسلام ایک فریق کی حیثیت رکھتی ہے، اجلاس میں پاکستان تحریک انصاف (پی ٹی آئی) کے وفود کے رابطوں کا بھی جائزہ لیا گیا، پی ٹی آئی سے متعلق تحفظات سنجیدہ ہیں۔ پی ٹی آئی اگر مذاکرات چاہتی ہے تو خوش آمدید کہیں گے لیکن پی ٹی آئی نے اب تک مذاکرات کے لیے باظابطہ طور پر سیاسی کمیٹی کا اعلان نہیں کیا ہے اور سنی اتحاد کے کونسل کے سربراہ نے کل بیان دیا کہ جمعیت علمائے اسلام سے اتحاد نہیں ہوسکتا۔
انہوں نے کہا کہ ہم بصد احترام سمجھتے ہیں کہ پی ٹی آئی قیادت میں یکسوئی کی کمی ہے، پی ٹی آئی قائد کی طرف سے آنے والے وفود بات تو کرتے ہیں مگر ابھی تک کوئی مذاکراتی کمیٹی تشکیل نہیں دی گئی اور پھر سنی اتحاد کونسل کے سربراہ کے بیانات جے یو آئی کے ساتھ نہ چلنے کی بات کررہے ہیں لہٰذا پی ٹی آئی اور سنی اتحاد کونسل اپنا ابہام دور کریں۔ سیاسی جماعتیں مسائل کا حل چاہتی ہیں، آئین بشمول افواج پاکستان تمام اداروں کے دائرہ کار کا تعین کرتا ہے اور سیاسی معاملات میں مداخلت ان کے حلف کی نفی ہے۔
مولانا فضل الرحمان نے کہا کہ بہتر سیاسی ماحول تشکیل دینے میں ہمیں کوئی ہچکچاہٹ نہیں ہے، مرکزی مجلس شوری اس بات پر متفق ہے کہ آئین تمام اداروں کے دائرہ کار کا تعین کرتا ہے، ملک و قوم کے لیے اپنا آئینی کردار ادا کرتے رہیں گے۔ ملکی دفاع کے معاملے پر پوری قوم فوج کے شانہ بشانہ کھڑی ہے، سیاسی مداخلت کو آئین بھی تسلیم نہیں کرتا اور نہ ہی ہم تسلیم کرتے ہیں، آپریشن عزم استحکام کے اعلان پر بھی ان اداروں میں یکسوئی نہیں پائی جا رہی ہے۔
ان کا کہنا تھا کہ آج تک جتنے بھی آپریشنز ہوئے پھر دہشت گردی 10 گناہ کیوں بڑھ گئی ہے، مرض بڑھتا گیا جوں جوں دوا کی، وزیر اعظم آپریشن کی وضاحت کرتے ہیں لیکن عوام کس پر اعتبار کریں۔ سابق فاٹا کو ضم کرتے ہوئے 100 ارب روپے دینے کا کہا گیا مگر اس پر عمل درآمد کا کیا ہوا، ہمیں تو ریاستی اداروں کے خلاف زبان نہ کھولنے کا کہا جاتا ہے مگر ادارے عوام کا احساس کب کریں گے۔
ان کا کہنا تھا کہ چین کے ساتھ تعلقات کا دوام چاہتے ہیں، ابھی تک چین کا اعتماد سرمایہ کاری کے لیے بحال نہیں ہوسکا ہے، امریکی ایوان نمائندگان نے 8 فروری کے الیکشن کو مشکوک قرار دیا ہے، جمعیت علمائے اسلام کی رائے ہے کہ امریکا پاکستان کے معاملات سے دور رہے۔ یہ بھی بتایا جائے کہ کیا یہ پاکستان کی سفارتی ناکامی نہیں ہے، ریاست کو بھی اپنے رویوں پر غور کرنا ہوگا۔
انہوں نے کہا کہ شوریٰ نے کسی باضابطہ اتحاد میں جانے کا انتظار کیے بغیر اپنے پلیٹ فارم سے جدوجہد کا فیصلہ کیا ہے، اگر سیاسی جماعتوں کے درمیان باہمی تعاون کا ماحول پیدا ہوا تو ہم اسے قابل عمل بنائیں گے۔ آپریشن عزم استحکام کی طرف اشارہ کرتے ہوئے انہوں نے کہا کہ آج کہا جا رہا ہے کہ افغانستان میں کارروائی کریں گے، پاکستان کے اندر دہشت گردی روکنے میں ناکامی پر پردہ ڈالنے کے لیے افغانستان پر حملہ کرنا چاہتے ہو، کیا یہ حقیقت نہیں کہ ترقیاتی فنڈز کا 10 فیصد خیبرپختونخوا میں دہشت گردوں کو نہیں دیا جاتا، کیا آپ دہشت گردوں کے سامنے بے بس ہیں۔
ان کا کہنا تھا کہ بہت سے ایسے سوالات ہیں جو اٹھا کر ریاست کے لیے مشکلات پیدا نہیں کرنا چاہتے، اگر کچھ کسی کا مفاد ہے تو وہ غیر ملکی مفادات کا ہے، امریکیوں کو اڈے دے کر 20 سال آپ بمباری نہیں کراتے رہے۔5 اگست کو یوم یکجہتی کشمیر منائیں گے، فلسطینیوں کے ساتھ کھڑے ہیں، امریکا کی نظر میں تو امارات اسلامیہ اور حماس بھی دہشت گرد ہے، ہم تمام مسلمان حکومتوں کو کہتے ہیں کہ آپ وہ فرض ادا نہیں کررہے ہیں جو آپ سے تقاضا کرتا ہے۔
کھیل
نریندر مودی کی بھارتی کپتان روہت شرما کو کرکٹ پر فامنس پر شاباش
نریندر مودی نے کپتان روہت شرما کے بیٹنگ اور کپتانی میں جارحانہ انداز اپنانے کی تعریف کی ، بھارتی وزیراعظم نے لکھا کہ روہت شرما کا کرکٹ کا کیریئر بطور کپتان ہمیشہ یاد رکھا جائے گا
![نریندر مودی کی بھارتی کپتان روہت شرما کو کرکٹ پر فامنس پر شاباش](/media/110256/conversions/_112521298_20200512294l-1280x720.jpg)
بھارتی وزیراعظم نریندر مودی کی بھارتی کپتان روہت شرما کو شاباش
بھارتی وزیراعظم نریندر مودی نے سماجی رابطے کی ویب سائٹ ٹویٹر(ایکس) سے ٹویٹ کرتے ہوئے بھارتی ٹیم کی ورلڈ کپ میں کامیابی کو سراہا۔
وزیراعظم نریندر مودی نے ٹویٹ کرتے ہوئے بھارتی کرکٹ ٹیم کے کپتان روہت شرما کو مخاطب کرتے ہوئے کہا کہ آپ ایک بہترین شخصیت ہو۔
نریندر مودی نے کپتان روہت شرما کے بیٹنگ اور کپتانی میں جارحانہ انداز اپنانے کی تعریف کی ، بھارتی وزیراعظم نے لکھا کہ روہت شرما کا کرکٹ کا کیریئر بطور کپتان ہمیشہ یاد رکھا جائے گا۔
بھارتی کرکٹ ٹیم نے آئی سی سی ٹی ٹوینٹی ورلڈ کپ 2024 میں روہت شرما کی کپتانی میں بہترین کارکردگی کا مظاہرہ کرتے ہوئے ورلڈ کپ کی فائنل ٹرافی جیت لی۔ ورلڈ کپ کے اختتام کے ساتھ ہی بھارتی مایہ ناز بلے باز روہت شرما کے کرکٹ کے کیریئر کا بھی اختتام ہو گیا ہے۔
-
دنیا ایک دن پہلے
ایرانی کے صدارتی انتخابات ، کسی امیدوار کو اکثریت نہ حاصل ہو سکی، ووٹنگ دوبارہ ہو گی
-
کھیل ایک دن پہلے
ویرات کوہلی کا ٹی ٹوئنٹی کرکٹ سے ریٹا ئرمنٹ کا اعلان
-
پاکستان 10 گھنٹے پہلے
پی آئی اے کا عمرہ زائرین کے لئے کرایوں میں کمی کا اعلان
-
کھیل 5 گھنٹے پہلے
بھارتی کرکٹر ویندرا جڈیجا کا ٹی ٹو ےنٹی ورلڈ کپ سے ریٹا ئرمنٹ کا اعلان
-
تجارت 2 گھنٹے پہلے
آل پاکستان انجمن تاجران کا بجلی کے بلوں میں اضافے کے خلاف احتجاج کا اعلان
-
دنیا ایک دن پہلے
سعودی عرب،بچوں کو گاڑی میں تنہاچھوڑنے پر 500 ریال جرمانہ عائد
-
دنیا 2 دن پہلے
ساؤتھ امریکی ملک پیرو میں 7.2 شدت کا زلزلہ
-
پاکستان ایک دن پہلے
تحریک انصاف کے ایک اور بڑے پارٹی رہنما نے استعفیٰ دیدیا