بلاول بھٹو زرداری نےبجٹ کو عوام پر معاشی حملہ قرار دیدیا

تفصیلات کے مطابق چیئرمین پیپلز پارٹی بلاول بھٹو زرداری نے بجٹ پر تبصرہ کرتے ہوئے کہا کہ مہنگائی، بیروزگاری اور غربت تاریخی ہے تو بجٹ کیسے عوامی ہو سکتا ہے ؟عوام دشمن بجٹ پیش کرتے ہوئےسرکاری ملازمین مہنگائی کی دہائیاں دے رہے تھے۔انہوں نے کہاکہ سال بدل گیا مگر عوام کے حالات نہ بدلے،بجٹ آگیا مگر غریب کے گھر کا چولہا آج تک بجھا ہوا ہے ۔

چیئرمین پیپلزپارٹی نے کہاکہ عوام جان چکے ہیں کہ بڑی بڑی باتیں کرنا عمران خان کی عادت ہے، وزیراعظم عام آدمی کو ریلیف فراہم کرنے میں مکمل ناکام ہوچکےہیں۔بجٹ 2021پیش کرکے عمران خان نے اپنا غریب دشمن اور عوام دشمن ایجنڈا واضح کردیا۔انہوں نے کہا کہ پیپلزپارٹی عمران خان کو عوام کے معاشی قتل عام کی اجازت نہیں دے گی۔