معروف پاکستانی اداکار فواد خان کی بالی ووڈ میں ایک بار پھر واپسی 

بھارتی میڈیا رپورٹس کے مطابق آئندہ دنوں میں پاکستانی معروف اداکار فواد خان ایک بار پھر بالی ووڈ کی فلم میں اپنی اداکاری کے جوہر دکھاتے نظر آئیں گے۔ 
فواد خان کی ایسٹ ووڈ اسٹوڈیو کی زیرنگرانی بننے والی فلم میں بھارتی اداکارہ وانی کپور بطور ہیروئن جلوہ گر ہوں گی۔ 
فلم کے نام اور ٹیم کے بارے میں مزید معلومات تا حال منظر عام پر نہیں آسکیں، مگر فلم کی پروڈکشن لندن میں متوقع ہے۔ 
اس سے قبل پاکستانی اداکار فواد خان نے بالی ووڈ کی ہٹ فلمون میں اداکاری کے جوہر دکھائے۔ 2014 میں فلم ’’خوبصورت‘‘ سے بالی ووڈ میں ڈیبیو کرنے والے فواد خان نے بالی ووڈ فلم ’’کپور اینڈ سنز‘‘ اور ’’اے دل ہے مشکل‘‘ میں بھی کام کیا۔ 
بدقستی سے ماضی میں پاک بھارت کشیدگیوں کے باعث پاکستانی اداکاروں نے بالی ووڈ میں کام کرنے سے گریز کیا، مگر حال ہی میں اداکار فواد خان کی بھارتی فلم میں واپسی کی خبر دیگر پاکستانی اداکاروں کے لیے بھی بالی ووڈ میں جانے کی راہیں ہموار کرے گی۔