عظیم فلاحی کارکن عبدالستار ایدھی کی آٹھویں برسی آج منائی جا رہی ہے

عظیم انسانی ہمدرد اور فلاحی کارکن عبدالستار ایدھی کی آٹھویں برسی آج منائی جا رہی ہے۔

عبدالستار ایدھی اٹھائیس فروری 1928 کو گجرات میں پیدا ہوئے۔ انہوں نے 1951 میں فلاحی خدمات کا آغاز کیا ، انہوں نے دنیا کی سب سے بڑی رضا کارانہ ایمبولینس سروس قائم کرنے کے علاوہ ملک بھر میں بے گھر افراد، یتیموں اور جانوروں کیلئے پناہ گاہیں قائم کیں۔

انسانیت کیلئے اُن کی خدمات کے اعتراف میں انہیں ایشین نوبل ،دی لینن امن ایوارڈ اور نشان امتیاز سمیت کئی قومی اور بین الاقوامی اعزازات سے نوازا گیا۔

 انہوں نے انسایت کیلئے اپنی جان کی بھی پرواہ نہیں کی اور خدمت انسانی کے اسی جذبے کے ساتھ وہ 2016 میں آج کے دن 88 برس کی عمر میں اس دنیائے فانی سے چل بسے ۔