فلور ملزمالکان کی ود ہولڈنگ ٹیکس کے خلاف تیسرے روز بھی ہڑتال جاری 

فلور ملز کی جانب سے ود ہولڈنگ ٹیکس کے خلاف ہڑتال تیسرے روز بھی جاری ہے۔ ملک کے بیشتر علاقوں میں آٹے کی قلت پیدا ہو گئی۔

سندھ سمیت ملک بھر میں میں آٹے کی چکیاں بند ہونے کے باعث گندم کی پسائی نہ ہو سکی۔

ملز مالکان نے ود ہولڈنگ ٹیکس کے خلاف مطالبات تسلیم کیے جانے تک ہڑتال جاری رکھنے کا اعلان کیا ہے جس سے آٹے کی ملز میں تالے لگ گئے اور کام بند ہوگیا ہے، کام بند ہونے کی وجہ سے مقامی مارکیٹوں کو آٹے کی ترسیل بند ہونے سے قلت پیدا ہونے کا خدشہ ہے۔

اس حوالے سے آٹا ملز ایسوسی ایشن کا کہنا ہے کہ اب تک ان سے حکومت نے کوئی رابطہ نہیں کیا ہے۔

دوسری جانب ملک بھر میں تمام فلور ملز بند ہیں،گندم کی پسائی بند ہونے سے مارکیٹ میں آٹا سپلائی رک گئی ہے، کوئٹہ شہر کی تمام فلور ملز سے آٹے کی پسائی اور سپلائی معطل ہونے کے بعد آٹے کی قیمتوں 200 سے 1000 ہزار روپے تک کا اضافہ ہوگیا ہے۔