ملک میں مہنگائی کا ایک نیا سونامی آنے والا ہے: بلاول بھٹو زرداری

تفصیلات کے مطابق پا کستان پیپلزپارٹی کے چیئرمین بلاول بھٹو زرداری نے ایک بیان میں کہا  ہے کہ آئی ایم ایف کےملازموں کا تیار کردہ بجٹ غور کیے بغیر جوں کا توں پیش کر دیا گیا، سلیکٹڈ بجٹ کے ہر صفحے پر عوام کے معاشی قتل عام کی ترکیبیں لکھی ہیں۔ انہوں نے کہا کہ بلاواسطہ ٹیکس کے بجائے بالواسطہ ٹیکس لگانے کی عمران خان کی چوری پکڑی گئی  ہے ،  عام آدمی کے استعمال کی ہر شے پراربوں روپے کا بالواسطہ ٹیکس لگادیا۔  پٹرول پر 20 روپے فی لٹراور چینی پر 7روپے فی کلواضافہ ناکام بنائیں گے، خام تیل اور ایل این جی پر 17 فیصد سیلز ٹیکس ہوگاتو پٹرول اور گیس کی قیمتیں بڑھیں گی، اور اس بالواسطہ ٹیکس کا بوجھ عوام بھگتیں گے۔

بلاول بھٹو زرداری کاکہنا تھاکہ  کرونا وائرس سے بچنے کیلئے عوام نے آن لائن خریداری شروع کی ،عمران خان نے اس پر بھی سیلزٹیکس لگادیا، عام آدمی جائے تو کہاں جائے؟یہ المیہ نہیں تو کیا ہے کہ وطن سے دور پاکستانی روزگار سے محروم پاکستانیوں کو ملکی برآمد سے زیادہ ترسیلاتِ زر بھیج رہے ہیں۔