خواجہ سعد رفیق بھی صنم جاوید کی دوبارہ گرفتاری کے خلاف بول پڑے

پاکستان مسلم لیگ (ن) کے سینئر رہنما خواجہ سعد رفیق پاکستان تحریک انصاف (پی ٹی آئی) کی اسیر کارکن صنم جاوید کی رہائی کے بعد پھر گرفتاری کے خلاف بول پڑے۔

سوشل میڈیا پلئیٹ فارم ”ایکس“ پر جاری اپنے ایک بیان میں سعد رفیق نے لکھا کہ صنم جاوید کے بچے ماں کا انتظار کرتے کرتے تھک گئے ہوں گے، ان کا تو کوئی قصور نہیں، صلہ رحمی کریں، اب اُسے گھر جانے دیں۔

معصوم بچے ماں کا انتظار کرتے تھک گئے

ھونگے !! انکا تو کوئ قصور نہیں ۔۔

صلہ رحمی کریں ، اب اُسے گھر جانے دیں ?

— Khawaja Saad Rafique (@KhSaad_Rafique) July 14, 2024

خیال رہے کہ اسلام آباد کی مقامی عدالت نے وفاقی تحقیقاتی ادارے (ایف آئی اے) کے نئے مقدمے میں گرفتار صنم جاوید کے جسمانی ریمانڈ کی استدعا پر محفوظ فیصلہ سناتے ہوئے انہیں مقدمے سے ڈسچارج کردیا تھا۔

رہائی کے بعد صنم جاوید وکلاء کے ساتھ روانہ ہوگئی تھیں، لیکن اسلام آباد پولیس نے انھیں پھر سے گرفتار کرلیا ہے۔