پاکستان اسٹاک ایکسچینج میں کاروبار کے آغاز میں ہی تیزی کا رجحان

پاکستان اسٹاک ایکسچینج میں کاروبار کے آغاز سے ہی نمایاں تیزی کا رجحان دیکھا جارہا ہے۔

کاروباری ہفتے کےپہلے روز کے آغاز پرپاکستان اسٹاک ایکسچینج 81 ہزار پوائنٹس کا سنگ میل عبورکرگئی،ہنڈریڈ انڈیکس 1148 پوائنٹس کے اضافے سے 81 ہزار 102 پوائنٹس پر پہنچ گیا 

واضح رہے کہ گزشتہ کاروباری ہفتے کے آخری روز کاروبار کا اختتام مثبت زون میں ہوا تھا جس کے باعث سٹاک مارکیٹ میں 100 انڈیکس 79 ہزار 944 پوائنٹس کی سطح پر بند ہوا تھا۔

یاد رہے کہ 3 جولائی کو 100 انڈیکس 680 پوائنٹس اضافے کے بعد تاریخ میں پہلی بار 80 ہزار پوائنٹس کی نفسیاتی حد عبور کر گیا تھا۔